Канструктыўныя заўвагі наглядальнікаў важны для ўдасканалення выбарчага заканадаўства. Аб гэтым заявіў у эфіры тэлеканала "Беларусь 1" намеснік старшыні Цэнтрвыбаркама, дырэктар Нацыянальнага цэнтра заканадаўства і прававых даследаванняў Рэспублікі Беларусь Вадзім Іпатаў, перадае карэспандэнт БЕЛТА.
Паводле слоў Вадзіма Іпатава, у Цэнтрвыбаркам у цяперашнюю выбарчую кампанію не паступала інфармацыя аб фактах, якія б сведчылі, што выбары арганізаваны няправільна, з парушэннем заканадаўства.
"Былі пэўныя сігналы, звязаныя з тым, што некаму крэслаў не хапала. Такіх скаргаў, што на ўчастку парушаецца заканадаўства, мы не разглядалі. Але ў цэлым на любых выбарах наглядальнікі нейкія асобныя моманты адзначаюць. Гэта для нас таксама карысна, для ўдасканалення заканадаўства", - сказаў Вадзім Іпатаў.
У цэлым, паводле яго слоў, на выбарах адзначалася высокая яўка. "У дэпутаты ідуць людзі неабыякавыя, тыя, хто хоча нешта змяніць. Яны павінны папулярызаваць сваю работу. У параўнанні з папярэдняй выбарчай кампаніяй павысілася актыўнасць палітычных партый", - адзначыў Вадзім Іпатаў.