Забеспячэнне бяспекі і эканамічнае развіццё краін - удзельніц СНД - у прыярытэце для інтэграцыйнага аб'яднання. Аб гэтым заявіў журналістам старшыня Выканаўчага камітэта - выканаўчы сакратар СНД Сяргей Лебедзеў, перадае карэспандэнт БЕЛТА.
"Важным для СНД з'яўляецца забеспячэнне стабільнасці і бяспекі, таму што гэта аснова для спакойнага і планамернага эканамічнага развіцця. На другім месцы - забеспячэнне стабільнасці ў эканоміцы, забеспячэнне эканамічнага росту ў краінах, і менавіта таму дзяржавы краін Садружнасці, усе структуры на вышэйшым узроўні ўдзяляюць гэтаму асаблівую ўвагу", - адзначыў Сяргей Лебедзеў.
Ён таксама сказаў, што чарговае пасяджэнне Савета кіраўнікоў дзяржаў СНД плануецца правесці ў Сочы 11 кастрычніка, а пасяджэнне Савета міністраў замежных спраў, як мяркуецца, адбудзецца 10 кастрычніка.
