З моладдзю неабходна гаварыць адкрыта і не пазбягаць праблемных пытанняў. Такое меркаванне журналістам выказаў старшыня РГА "Белая Русь" Генадзь Давыдзька, перадае карэспандэнт БЕЛТА.
12 лютага ў Гродне Генадзь Давыдзька сустрэўся з ідэалагічным актывам горада і членамі ГА "Белая Русь", а таксама з маладымі выбаршчыкамі, студэнтамі ГрДУ імя Янкі Купалы.
"З моладдзю трэба быць сумленнымі, адкрытымі, пазбягаць ментарскага тону і настаўлення. Неабходна гаварыць з маладымі людзьмі на давернай аснове і ні ў якім разе не ўхіляцца ад тонкіх і праблемных момантаў. Усе існуючыя ў грамадства праблемы, як і задачы, што стаяць перад ім, павінны быць прэпарыраваны ў выніку дыспуту, спрэчкі, абмеркавання", - адзначыў Генадзь Давыдзька.
"Адна з сённяшніх праблем - адсутнасць палітычнай культуры, разумення і ўпэўненасці ў тым, што мы рэальна робім сённяшні і заўтрашні дзень. Асабліва гэта актуальна для моладзі. Ім чамусьці здаецца, што яны проста вучацца, рыхтуюцца да нейкай будучыні, не разумеючы, што гэту будучыню яны ствараюць сёння і цяпер, у тым ліку ўдзельнічаючы ў выбарах, палітычным жыцці", - лічыць старшыня аб'яднання. Пры гэтым ён падкрэсліў, што палітычная інфантыльнасць сёння не дапушчальна.
Генадзь Давыдзька расказаў, што далейшая работа "Белай Русі" будзе накіравана на кансалідацыю беларускага грамадства, аб'яднанне розных грамадскіх рухаў.
