Мабільная версія
ДЗЯРЖОРГАНЫ
Апошнія навіны
Усе навіны
Рыгор Рапота

Вучоных Расіі і Беларусі трэба актыўней прыцягваць да работы над праграмамі СД

Меркаванні 20.12.2017 | 18:46
Рыгор Рапота Рыгор Рапота Дзяржаўны сакратар Саюзнай дзяржавы

Дзяржсакратар Саюзнай дзяржавы Рыгор Рапота лічыць неабходным больш актыўна прыцягваць Расійскую акадэмію навук і Нацыянальную акадэмію навук Беларусі да работы над праграмамі Саюзнай дзяржавы.

"Мы хочам павысіць ролю акадэмій навук нашых краін у прыняцці рашэнняў і абапірацца на іх экспертную думку пры выбары праграм. Чыноўнік часта не можа вызначыць, што з'яўляецца найбольш важным для навукі і руху наперад", - сказаў ён у эксклюзіўным інтэрв'ю ТАСС.

Як адзначыў Рыгор Рапота, цяпер "у рэжыме чакання" знаходзіцца прыкладна паўтара дзясятка праграм. "Вучоныя Расіі і Беларусі добра ўзаемадзейнічаюць па розных лініях: медыцына, космас, электроніка, машынабудаванне, станкабудаванне, біяхімія, сельская гаспадарка", - сказаў ён.

Паводле яго слоў, дзейнасць Саюзнай дзяржавы ў гэтым напрамку нагадвае венчурныя фонды. "Мы аплачваем навукова-даследчыя, доследна-канструктарскія работы, накіраваныя на атрыманне новых інавацыйных тэхналогій і матэрыялаў. Далей яны ідуць у вытворчасць. Бачачы, што такі фонд працуе, ім усе хочуць скарыстацца, і гэта добра", - растлумачыў дзяржсакратар.

Падводзячы вынікі года, Рыгор Рапота адзначыў, што ў 2017 годзе структуры Саюзнай дзяржавы і міністэрствы Расіі і Беларусі падрыхтавалі і прынялі шэсць новых праграм, гэта больш, чым у мінулым годзе. Акрамя таго, у бягучым годзе "на сістэмную аснову пастаўлена правядзенне Форумаў рэгіёнаў дзвюх краін". Ён таксама адзначыў актывізацыю работы Парламенцкага сходу Саюзнай дзяржавы.

Адной са знакавых падзей года ва ўзаемадзеянні Расіі і Беларусі дзяржсакратар назваў зацвярджэнне формулы цаны на расійскі газ, паколькі "гэта здымае пэўную напружанасць у адносінах", а таксама рух наперад у пытаннях міграцыйнай палітыкі, у прыватнасці падрыхтоўку пагаднення аб узаемным прызнанні віз. "Мы разлічваем, што міністэрствам замежных спраў абедзвюх краін удасца да канца года падрыхтаваць гэта пагадненне. Падзея знакавая, таму што граніца паміж Расіяй і Беларуссю свабодна для перасячэння грамадзянамі гэтых дзяржаў, але яе перасячэнне грамадзянамі трэціх краін у прававых адносінах ніяк не рэгулявалася", - падкрэсліў дзяржсакратар.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Кубак Федэрацыі: Беларусь - Славакія 21-22 красавіка 2018 года - Мінск, "Чыжоўка-Арэна". Чэмпіянат свету па тэнісе сярод жаночых каманд - плэй-оф сусветнай групы.