Мабільная версія
ДЗЯРЖОРГАНЫ
Апошнія навіны
Усе навіны
Мар'яна Шчоткіна

Вялікую справу Скарыны годна прадаўжаюць беларускія кнігавыдаўцы

Меркаванні 14.09.2017 | 12:42
Мар'яна Шчоткіна Мар'яна Шчоткіна Намеснік старшыні Савета Рэспублікі

Вялікую справу першадрукара Францыска Скарыны годна прадаўжаюць беларускія кнігавыдаўцы. Аб гэтым заявіла намеснік старшыні Савета Рэспублікі Нацыянальнага сходу Беларусі Мар'яна Шчоткіна на ўрачыстым адкрыцці міжнароднага кангрэса "500 гадоў беларускага кнігадрукавання" ў Мінску, перадае карэспандэнт БЕЛТА.

"Кніга мае важнае значэнне для беларускага народа. Яна захоўвае мудрасць пакаленняў, аб'ядноўвае нас як нацыю, з'яўляецца дасягненнем духоўнай культуры народа, - сказала Мар'яна Шчоткіна. - Сёння вялікая справа першадрукара Францыска Скарыны прадаўжаецца на дастойным узроўні. На міжнародных кніжных выстаўках і конкурсах беларуская кніга прадстаўлена з годнасцю і атрымлівае высокія ўзнагароды".

Віншуючы супрацоўнікаў Нацыянальнай бібліятэкі Беларусі з 95-годдзем, намеснік старшыні Савета Рэспублікі адзначыла, што НББ з'яўляецца галоўным сховішчам культурнай спадчыны народа. Яна пажадала ўдзельнікам кангрэса плённай работы і цікавай размовы.

Каля 600 дэлегатаў з 24 краін прымаюць удзел у міжнародным кангрэсе "500 гадоў беларускага кнігадрукавання" ў Мінску 14-15 верасня. Гэта вядомыя грамадскія і палітычныя дзеячы, дыпламаты, кіраўнікі і аўтарытэтныя спецыялісты навуковых, навучальных і культурных устаноў з Азербайджана, Арменіі, Беларусі, Балгарыі, Вялікабрытаніі, Германіі, Кітая, Польшчы, Расіі, Украіны, Чарнагорыі і іншых краін. 500-годдзе беларускага і ўсходнеславянскага кнігадрукавання з'яўляецца знамянальным юбілеем гэтага года і шырока адзначаецца сусветнай супольнасцю. Міжнародны кангрэс "500 гадоў беларускага кнігадрукавання" поўнасцю адпавядае мэтам і ідэям ЮНЕСКА і праходзіць пад патранатам арганізацыі.

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.