Намеснік кіраўніка Адміністрацыі Прэзідэнта Ігар Бузоўскі лічыць, што імунітэт у людзей павінен выпрацоўвацца і ў інфармацыйным полі для абароны ад "віруснага" кантэнту. Аб гэтым ён заявіў у час адкрытага дыялогу "Моладзь і палітыка: формула адказнасці" на фестывалі "Алімпія-2016" у Валожынскім раёне, паведаміў карэспандэнт БЕЛТА.
"Трэба, каб быў сфарміраваны імунітэт, у тым ліку на інфармацыйнай пляцоўцы - імунітэт, які павінен абараняць нашу краіну, наш мозг, нашы каштоўнасці і ідэалы", - адзначыў Ігар Бузоўскі.
Паводле яго слоў, агароджваць сябе ад "вірусных" сайтаў, каналаў і непажаданай інфармацыі могуць самі людзі, калі сапраўды гэтага захочуць. "Ні ў якім разе нельга распісвацца ва ўласным бяссіллі, у тым ліку на гэтых інфармацыйных пляцоўках. На выклікі часу можна і трэба рэагаваць, а не замяшчаць гэта паняццем "дэмакратыя", - перакананы намеснік кіраўніка Адміністрацыі Прэзідэнта.