Мабільная версія
ДЗЯРЖОРГАНЫ
Апошнія навіны
Усе навіны
Раман Матульскі

У грамадстве трэба фарміраваць разуменне прэстыжнасці вяртання гісторыка-культурных каштоўнасцей

Меркаванні 17.01.2018 | 18:33
Раман Матульскі Раман Матульскі Дырэктар Нацыянальнай бібліятэкі Беларусі

У грамадстве трэба фарміраваць разуменне прэстыжнасці вяртання гісторыка-культурных каштоўнасцей. Такое меркаванне выказаў на пасяджэнні круглага стала ў прэс-цэнтры БЕЛТА дырэктар Нацыянальнай бібліятэкі Беларусі Раман Матульскі.

Паводле яго слоў, гэта справа не аднаго дня, спатрэбіцца нямала часу. Аднак важна, каб фарміраваўся дух і было разуменне, што займацца вяртаннем гісторыка-культурных каштоўнасцей прэстыжна. Прычым размова ідзе пра кожны маленькі гарадок, невялікія музеі, а не толькі пра вялікія ўстановы. Важна, каб у грамадстве такая ідэя ўмацавалася, тады можна гаварыць пра вяртанне гісторыка-культурных каштоўнасцей у дзяржаўным маштабе, лічыць Раман Матульскі.

Пры гэтым ён адзначыў, што да рэалізацыі некаторых праектаў выказваюць інтарэс прыватныя структуры. На гэты момант прапрацоўваецца шэраг ідэй, якія могуць быць рэалізаваны ў рамках дзяржаўна-прыватнага партнёрства.

Як адзначыў генеральны дырэктар Нацыянальнага мастацкага музея Беларусі Уладзімір Пракапцоў, удзел у вяртанні гісторыка-культурных каштоўнасцей павінен стаць сапраўды прэстыжным. "Нам трэба ўключыць грамадскі рэсурс. Але неабходна захоўваць умову: калі калекцыянер дорыць прадмет, то ён павінен знаходзіцца ў пастаяннай экспазіцыі, а не ў фондах ляжаць. Такія калекцыянеры ёсць і ў Беларусі. І тут справа не ў грашах, а ў механізме паказу пасля атрымання артэфакта", - сказаў ён.

На думку гендырэктара НММ, неабходна актыўна працаваць з людзьмі, калекцыянерамі, заахвочваць іх, у тым ліку даваць дзяржаўныя ўзнагароды нашым калегам за мяжой, "паколькі мы вяртаем свае скарбы".

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

У Беларусі колькасць асуджаных непаўналетніх зніжаецца 2017 год - асуджана 1 198 чалавек (учынілі злачынства ў стане алкагольнага ап'янення - 251, пад дзеяннем наркотыкаў - 41); 2016 год - 1 341 чалавек (269, 80).