Мабільная версія
ДЗЯРЖОРГАНЫ
Апошнія навіны
Усе навіны
Андрэй Белякоў

У фокусе маладзёжнага выхавання - фарміраванне каштоўнаснага фундамента дзяржаўніка

Меркаванні 25.04.2018 | 15:19
Андрэй Белякоў Андрэй Белякоў Першы сакратар Цэнтральнага камітэта ГА "БРСМ"

Сёння ў фокусе маладзёжнага выхавання - фарміраванне каштоўнаснага фундамента дзяржаўніка. Аб гэтым карэспандэнту БЕЛТА заявіў першы сакратар Цэнтральнага камітэта ГА "БРСМ", член Савета Рэспублікі Нацыянальнага сходу Андрэй Белякоў, каменціруючы Пасланне Прэзідэнта беларускаму народу і Нацыянальнаму сходу.

"Эканамічная бяспека краіны прадугледжвае змяненне структуры кіравання пад патрэбнасці дыверсіфікаванага рынку. Для гэтага патрэбна школа кіравання, школа кадраў, якія трэба не толькі навучыць і выгадаваць, але і ідэалагічна матываваць, сфарміраваць каштоўнасны фундамент дзяржаўніка, дапамагчы маладому чалавеку прымяніць энергію і інтэлект. Менавіта ў гэтым саюз моладзі бачыць сваю важнейшую задачу", - сказаў Андрэй Белякоў.

Ён адзначыў, што фармальны, шаблонны падыход да выхавання моладзі сёння як ніколі будзе мець высокую цану. "Прэзідэнт неаднаразова адзначаў узрастаючую ролю шэрага СМІ, якія фактычна з'яўляюцца не сродкамі масавай інфармацыі, а паліттэхналагічнымі праектамі знешніх сіл. Саюз моладзі з іх боку часта становіцца аб'ектам маніпуляцыі грамадскім меркаваннем, у выніку чаго ідэалагічная работа ўспрымаецца выключна як навязванне нейкага канфармізму ў маладзёжным асяроддзі. Рэальна ж мы не толькі фарміруем каштоўнасную базу праз правядзенне патрыятычных мерапрыемстваў, але і аказваем пэўнае ідэалагічнае процідзеянне, вядзём контрпрапагандысцкую работу, разбіраем чужыя памылкі, удасканальваем метады сеткавай камунікацыі", - падкрэсліў першы сакратар.

Паводле слоў Андрэя Белякова, яскравым патрыятычным прыкладам для моладзі сёння можа стаць жыццё беларусаў у пасляваенны перыяд, які спалучаў у сабе як рост дабрабыту і стабільнасці, фарміраванне новага эканамічнага базісу, так і жорсткую нябачную вайну на халодным фронце. "Гэты перыяд будзе прыцягваць асаблівую цікавасць у святле стагоддзя БССР і Года малой радзімы. І ў святле бягучай сітуацыі мае шанц стаць дадатковым важным акцэнтам маладзёжнай палітыкі", - сказаў ён.

Кіраўнік БРСМ таксама падкрэсліў, што Беларусь - адзіная краіна постсавецкай прасторы, якая змагла пазбегнуць узброеных грамадзянскіх канфліктаў, характэрных для ўсёй былой СНД. "У першыя гады незалежнасці гэта было забяспечана строгім, эфектыўным і паслядоўным курсам Прэзідэнта. Менавіта яго палітычнай воляй былі спынены экстрэмізм і радыкальныя ідэалогіі, якія ставілі сабе за мэту запусціць некантралюемыя працэсы ў дзяржаве. І таму, нягледзячы на ўсю складанасць сучаснай міжнароднай абстаноўкі, мы ўпэўнены, што наша вопытнае палітычнае кіраўніцтва зможа пераадолець любыя цяжкасці", - сказаў на заканчэнне Андрэй Белякоў.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аршанскі раён Аршанскі раён знаходзіцца на паўднёвым усходзе Віцебскай вобласці. Адміністрацыйны цэнтр - горад Орша з насельніцтвам 115 тыс. чалавек.