Мабільная версія
ДЗЯРЖОРГАНЫ
Апошнія навіны
Усе навіны
Год навукі

Прэзідэнт Рэспублікі Беларусь Аляксандр Лукашэнка падпісаў указ "Аб аб'яўленні 2017 года Годам навукі".

Асноўнай мэтай гэтага рашэння з'яўляецца павышэнне ролі навукі ў выкананні задач сацыяльна-эканамічнага развіцця краіны, стварэнне спрыяльных умоў для захавання і развіцця навуковага патэнцыялу, фарміраванне міжнароднага іміджу Беларусі як краіны з высокім узроўнем інтэлектуальнага і чалавечага капіталу.

Андрэй Іванец

У Беларусі трэба выпрацаваць новыя падыходы для матывацыі моладзі да навуковай дзейнасці

Меркаванні 14.12.2017 | 09:32
Андрэй Іванец Андрэй Іванец Старшыня Савета маладых вучоных Нацыянальнай акадэміі навук Беларусі, намеснік дырэктара Інстытута агульнай і неарганічнай хіміі НАН

У Беларусі трэба выпрацаваць новыя падыходы для матывацыі моладзі да навуковай дзейнасці. Такое меркаванне выказаў старшыня Савета маладых вучоных Нацыянальнай акадэміі навук Беларусі Андрэй Іванец на II З'ездзе вучоных, перадае карэспандэнт БЕЛТА.

"Кадравы рэсурс з'яўляецца асновай для рэалізацыі важнейшых задач, якія стаяць перад беларускай навукай, у тым ліку згодна з праектам стратэгіі "Навука і тэхналогіі: 2018-2040". Сёння беларуская навука мае значны патэнцыял, аднак узроставая структура навуковай сферы сёння не з'яўляецца аптымальнай. Гэта праблема патрабуе вырашэння ў першую чаргу шляхам прыцягнення моладзі ў навуковую сферу і падрыхтоўкі кадраў вышэйшай навуковай кваліфікацыі. У краіне дзейнічае сістэма падтрымкі таленавітай моладзі, у НАН Беларусі таксама створаны стымулы для заахвочвання маладых вучоных. Аднак сёння мы павінны выпрацаваць новыя падыходы для матывацыі моладзі да навуковай дзейнасці, стымулявання падрыхтоўкі і абароны дысертацый, для замацавання моладзі ў навуковай сферы", - заявіў Андрэй Іванец.

Ён лічыць, што павышаць матывацыю моладзі да навуковай дзейнасці трэба комплексна, з улікам спецыфікі ўсіх этапаў станаўлення вучонага. "Так, пасля прыходу ў навуку малады спецыяліст павінен трапіць ва ўжо існуючую, прызнаную навуковую школу. Разам з навуковым кіраўніком ён павінен зрабіць усвядомлены выбар перспектыўнай і актуальнай навуковай тэматыкі. Немалаважным з'яўляецца і наяўнасць сучаснай матэрыяльна-тэхнічнай базы, якая неабходна для правядзення навуковых даследаванняў на высокім узроўні. Важна і матэрыяльнае стымуляванне маладых вучоных. Гэту праблему трэба вырашаць, у тым ліку шляхам камерцыялізацыі вынікаў навуковай дзейнасці", - адзначыў старшыня Савета маладых вучоных НАН.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).