Мабільная версія
ДЗЯРЖОРГАНЫ
Апошнія навіны
Зіма ў Налібоцкай пушчы
Учора 17:31 Фотарэпартаж
Усе навіны
Рыгор Карасін

Цесныя і плённыя адносіны паміж Беларуссю і Расіяй з'яўляюцца прыкладам для іншых краін

Меркаванні 28.12.2017 | 10:07
Рыгор Карасін Рыгор Карасін Статс-сакратар - намеснік міністра замежных спраў Расіі

Цесныя і плённыя адносіны паміж Беларуссю і Расіяй з'яўляюцца прыкладам для іншых краін. Аб гэтым заявіў статс-сакратар - намеснік міністра замежных спраў Расіі Рыгор Карасін 27 снежня ў інтэрв'ю карэспандэнту БЕЛТА і журналістам СМІ Саюзнай дзяржавы.

"Вельмі цесныя і плённыя адносіны практычна ва ўсіх сферах паміж Мінскам і Масквой - добры прыклад для астатніх краін, - сказаў Рыгор Карасін. - Таму што Саюзная дзяржава - гэта вышэйшая форма інтэграцыйнай мадэлі. Услед за гэтым з'явіўся Мытны саюз, цяпер ён пераўтвораны ў Еўразійскі эканамічны саюз, які актыўна дзейнічае".

Высокапастаўлены дыпламат заўважыў, што апаненты, у тым ліку за мяжой, часта адзначаюць, што беларускі і расійскі бакі нярэдка дыскутуюць наконт цэн, тарыфаў і іншых пытанняў. "Калі людзі блізка жывуць адзін з адным і ўзаемадзейнічаюць ва ўсіх сферах, цалкам зразумела, што ўзнікае цэлая сума пытанняў, якія неабходна адрэгуляваць", - падкрэсліў намеснік кіраўніка МЗС РФ.

Ён нагадаў, што Беларусь і Расія ўстанавілі дыпламатычныя адносіны падпісаннем адпаведнага пратакола 25 чэрвеня 1992 года. "Нягледзячы на тую блізкасць, якая традыцыйна характарызавала нашы сувязі як на палітычным, так і на чалавечым, міжасобасным узроўні, гэта быў неабходны крок, прыняты ў дыпламатычнай практыцы, які даў магчымасць на новым этапе дзвюм краінам абмяняцца дыппрадстаўніцтвамі на ўзроўні пасольстваў", - сказаў Рыгор Карасін.

Ён адзначыў, што за мінулыя два з палавінай дзесяцігоддзі сфарміравана ўстойлівая інфраструктура ўзаемадзеяння па ўсіх напрамках сумеснай работы і не ў апошнюю чаргу дзякуючы механізму сумесных калегій, які ў той ці іншай форме эфектыўна функцыянуе паміж большасцю беларускіх і расійскіх ведамстваў.

"Выкананне палажэнняў Дагавора аб стварэнні Саюзнай дзяржавы ад 8 снежня 1999 года дало магчымасць забяспечыць роўнасць правоў грамадзян дзвюх краін у многіх сферах, паглыбленне гуманітарных сувязей, пашырэнне ўзаемадзеяння ў эканамічнай сферы, дасягненне высокага ўзроўню прамысловай і навукова-тэхнічнай кааперацыі, - прадоўжыў намеснік міністра. - Планы на будучыню ў нас таксама маштабныя. Аб іх зусім нядаўна ішла размова на пасяджэнні Савета Міністраў Саюзнай дзяржавы 8 снежня ў Гомелі, дзе быў адобраны канцэптуальны дакумент - прыярытэтныя напрамкі і першачарговыя задачы далейшага развіцця Саюзнай дзяржавы на 2018-2022 гады. Пасля яго зацвярджэння на чарговым пасяджэнні Вышэйшага дзяржсавета Саюзнай дзяржавы будзем гатовы пачаць яго актыўную рэалізацыю".

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аб'ёмы продажаў тавараў народнага спажывання ў 2017 годзе Нацыянальны статыстычны камітэт падвёў вынікі работы арганізацый гандлю ў 2017 годзе. У табліцы прыведзены аб'ёмы продажаў тавараў у параўнанні з узроўнем 2016 года ў супастаўных цэнах.