Мабільная версія
ДЗЯРЖОРГАНЫ
Апошнія навіны
Усе навіны
Аляксандр Румак

Стварэнне спрыяльных умоў для нараджэння і выхавання дзяцей - стратэгічная задача

Меркаванні 05.12.2017 | 19:55
Аляксандр Румак Аляксандр Румак Намеснік міністра працы і сацыяльнай абароны

Стварэнне спрыяльных умоў для нараджэння і выхавання дзяцей з'яўляецца для Беларусі стратэгічнай задачай, заявіў 5 снежня намеснік міністра працы і сацыяльнай абароны Аляксандр Румак у час нацыянальнага форуму "Сям'я XXI стагоддзя", перадае карэспандэнт БЕЛТА.

"Здаровая і моцная сям'я - гэта аснова стабільнасці і працвітання любога грамадства. Адначасова сёння мы прызнаём, што за апошнія дзесяцігоддзі беларуская сям'я значна трансфармавалася", - адзначыў Аляксандр Румак. Змяненні ў структуры сем'яў, функцыях бацькоў, рэпрадуктыўных паводзінах сталі важным фактарам рэагавання сям'і як на сацыяльна-эканамічныя ўмовы жыцця, так і на працэсы змянення традыцыйных уяўленняў аб сям'і і сямейных каштоўнасцях, канстатаваў намеснік міністра.

"У сучасных умовах умацаванне інстытута сям'і, стварэнне спрыяльных умоў для нараджэння і выхавання дзяцей з'яўляецца для Рэспублікі Беларусь стратэгічнай задачай", - падкрэсліў ён. Дзяржаўная падтрымка сям'і заўсёды выступала ключавым напрамкам сацыяльнай палітыкі беларускай дзяржавы. Значнасць сямейнай палітыкі ў краіне ў тым, што яна аб'ядноўвае інтарэсы ўсіх відаў сем'яў і накіравана на фарміраванне спрыяльнага сацыякультурнага асяроддзя для іх развіцця і жыццядзейнасці, заўважыў Аляксандр Румак.

Паводле яго слоў, у краіне сфарміравана трывалая сістэма мер эканамічнай падтрымкі сем'яў з дзецьмі, якая ўключае розныя віды дапамог, ільготы, гарантыі, прычым гэта сістэма "найбольш комплексная і эфектыўная на ўсёй постсавецкай прасторы". У яе ўваходзяць меры па падтрыманні даходаў сем'яў з дзецьмі, у тым ліку льготы і гарантыі ў сферы працы і падаткаабкладання, аказанне фінансавай дапамогі сем'ям пры будаўніцтве жылля, меры па развіцці сеткі ўстаноў адукацыі, культуры, аховы здароўя і забеспячэнне шырокага доступу да іх сем'яў з дзецьмі. Кожная мера вырашае пэўныя задачы, паколькі яна ўплывае на розныя аспекты жыццядзейнасці сям'і.

"Ад гэтай работы ёсць добры рэзультат. У рэйтынгу краін, спрыяльных для мацярынства і нараджэння дзяцей, наша краіна займае 25-е месца сярод 179 краін свету і першае сярод краін СНД", - нагадаў Аляксандр Румак.

У сваю чаргу рэктар БДПУ Аляксандр Жук расказаў аб рэалізацыі сацыяльна-адукацыйнага праекта "Здаровая сям'я - здаровая нацыя". Ён адзначыў, што галоўная яго мэта - фарміраванне ў грамадстве сямейных каштоўнасцей, культуры дзіцяча-бацькоўскіх адносін, адказнасці за нараджэнне і выхаванне здаровых дзяцей. "Мы выступілі з ініцыятывай, і Міністэрства адукацыі падтрымала гэту ідэю, каб напярэдадні Дня маці ва ўсіх школах краіны правесці рэспубліканскі ўрок сямейнага жыцця "Здаровая сям'я - здаровая нацыя", - расказаў Аляксандр Жук. Ён перакананы, што правядзенне такіх урокаў ва ўстановах адукацыі стане новай традыцыяй, якая будзе садзейнічаць падрыхтоўцы навучэнцаў да сямейнага жыцця.

Арганізатарамі форуму выступаюць Беларускі саюз жанчын і Беларускі дзяржаўны педагагічны ўніверсітэт імя М. Танка. Суарганізатары - Нацыянальная бібліятэка Беларусі, Міністэрства адукацыі, Міністэрства працы і сацыяльнай абароны, Міністэрства інфармацыі, Міністэрства аховы здароўя, ГА "БРСМ". Да ўдзелу ў форуме далучыліся больш за 400 чалавек.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як прайсці тэхагляд Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі. На дыягнастычную станцыю аўтамабіль прадстаўляецца ў чыстым выглядзе.