Мабільная версія
ДЗЯРЖОРГАНЫ
Апошнія навіны
Усе навіны
Іван Толкач

Пытанне аб пераўтварэнні "Белай Русі" ў палітычную партыю патрабуе сур'ёзнага абмеркавання

Меркаванні 16.10.2017 | 12:26
Іван Толкач Іван Толкач Член аналітычнай групы "Белай Русі"

Пытанне аб пераўтварэнні "Белай Русі" ў палітычную партыю патрабуе сур'ёзнага абмеркавання. Такое меркаванне журналістам выказаў член аналітычнай групы "Белай Русі" Іван Толкач, перадае карэспандэнт БЕЛТА.

"Ужо некалькі гадоў абмяркоўваецца пытанне аб пераўтварэнні "Белай Русі" ў партыю, - сказаў Іван Толкач. - Гэта няпростыя абмеркаванні, паколькі і грамадскае аб'яднанне дае шэраг пераваг, перш за ўсё ў рабоце з грамадзянамі. У той жа час палітычная партыя адкрывае шлях, магчыма, нават да паступовага пераходу да змешанай выбарчай сістэмы і якасна новага ўзроўню ўдзелу арганізацыі ў палітычных працэсах".

Перавагі "Белай Русі" ў якасці палітычнай партыі заключаюцца перш за ўсё ў больш простым вылучэнні кандыдатаў для палітычнай гонкі. Як вядома, кандыдат можа вылучацца шляхам збору подпісаў, ад працоўных калектываў і ад палітычных партый. Сёння члены "Белай Русі" маюць два магчымыя спосабы вылучэння - шляхам збору подпісаў і ад працоўных калектываў. "Спосаб вылучэння ад палітычнай партыі найбольш просты. Неабходна правесці сход партыі і вылучыць сваіх кандыдатаў. Гэта магчымасць, вядома, аблегчыць удзел у выбарчай гонцы кандыдатаў ад "Белай Русі", - адзначыў Іван Толкач. - Іншае пытанне - наколькі гэта магчымасць павялічыць прысутнасць членаў аб'яднання ў выбарчым працэсе. Усе гэтыя пытанні неабходна абмяркоўваць і аналізаваць".

"Маё асабістае меркаванне - будучае ўсё ж такі за грамадскімі аб'яднаннямі. Палітычная партыя мае вузкую спецыялізацыю - удзел у палітычным жыцці, хоць у той жа час гэта і работа з грамадзянамі", - сказаў член аналітычнай групы. Разам з тым грамадскае аб'яднанне мае вялікія магчымасці для прыцягнення грамадзян у свае рады.

Удзельнікі пасяджэння Рэспубліканскага савета РГА "Белая Русь" абмеркавалі новую рэдакцыю Статута і Праграмы РГА, план падрыхтоўкі і ўдзелу арганізацыйных структур у выбарчай кампаніі па выбарах дэпутатаў мясцовых Саветаў дэпутатаў дваццаць восьмага склікання. Таксама была прадстаўлена справаздача Рэспубліканскага савета аб рабоце, праведзенай за 5 гадоў.

Асаблівая ўвага ўдзелена пытанням, якія будуць вынесены на з'езд арганізацыі, запланаваны на лістапад. У тым ліку размова ішла аб далейшым развіцці арганізацыі, разуменні яе месца ў палітычнай сістэме Беларусі. Цікавай ініцыятывай, паводле слоў Івана Толкача, з'яўляецца стварэнне маладзёжных аналітычных груп. Гэта работа ўжо вядзецца некалькі гадоў і паказала нядрэнныя рэзультаты.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэкрэт "Аб развіцці прадпрымальніцтва" Прэзідэнт Беларусі Аляксандр Лукашэнка 23 лістапада падпісаў дэкрэт №7 "Аб развіцці прадпрымальніцтва", які з'яўляецца ключавым дакументам з пакета нарматыўных прававых актаў па паляпшэнні бізнес-клімату ў краіне.