Мабільная версія
ДЗЯРЖОРГАНЫ
Апошнія навіны
Усе навіны
Мар'яна Шчоткіна

Правільная платформа нацыянальных індыкатараў дапаможа Беларусі ў дасягненні МУР

Меркаванні 15.05.2018 | 12:26
Мар'яна Шчоткіна Мар'яна Шчоткіна Намеснік старшыні Савета Рэспублікі

Поспех Беларусі ў дасягненні Мэт устойлівага развіцця ў многім залежыць ад правільнай платформы нацыянальных індыкатараў і ўсебаковага партнёрства. Аб гэтым сёння заявіла журналістам Нацыянальны каардынатар па дасягненні Мэт устойлівага развіцця, намеснік старшыні Савета Рэспублікі Нацыянальнага сходу Мар'яна Шчоткіна, перадае карэспандэнт БЕЛТА.

"Беларусь адзначаецца як адзін з лідараў у працэсе дасягнення Мэт устойлівага развіцця, паколькі ў нас за мінулы год створана сістэма работы. Але асабліва важна, каб гэтыя мэты дасягаліся ўнутры краіны, таму што стратэгічная задача - павышэнне якасці і ўзроўню жыцця людзей. Важна разумець, што адбываецца на ўнутраным контуры, і правільна ацэньваць свой рух наперад", - сказала Мар'яна Шчоткіна.

У работу ўключаны ўсе - парламент, прадстаўнікі дзяржаўных органаў, партнёрскіх арганізацый, грамадскасць, падкрэсліла яна. "Асаблівае значэнне мы надаём партнёрскай групе, куды ўваходзяць прадстаўнікі грамадскасці, дзелавых колаў, бізнесу, тыя, хто зацікаўлены ў рабоце па напрамках МУР. Дарэчы, унутры групы ўжо вызначаны лідары, якія ўзначальваюць сегменты па напрамках эканомікі, экалогіі, сацыяльнай палітыкі. Каб нашы партнёры разумелі сам працэс і тое, якія індыкатары павінны прымяняцца для ацэнкі дасягнення МУР у Беларусі, неабходна пастаяннае ўзаемадзеянне", - дадала Мар'яна Шчоткіна.

Таксама яна адзначыла асаблівую ролю парламента. "Уся нарматыўна-прававая база павінна будавацца з адсочваннем прагрэсу па дасягненні МУР. Мы ўжо ўзнімалі пытанне аб тым, што любы законапраект, які ўносіцца ў парламент, павінен мець раздзел або хаця б радок, у якім гаворыцца аб МУР. І калі прапанаваны дакумент не працуе на прагрэс, трэба яго дапрацоўваць. У такім жа ключы павінны дзейнічаць і нашы партнёры, грамадзянская супольнасць. Галоўны дэвіз - нікога не пакінуць убаку", - адзначыла Нацыянальны каардынатар.

На гэтым шляху Беларусі дапамагаюць і міжнародныя партнёры. Дзякуючы фінансаванню ПРААН з ліпеня 2017 года рэалізуецца праект "Падтрымка дзейнасці Нацыянальнага каардынатара па дасягненні МУР і ўмацаванне ролі парламента ў дасягненні МУР".

Намеснік пастаяннага прадстаўніка ПРААН у Беларусі Закары Тэйлар адзначыў прагрэс Беларусі. "Няма іншай такой краіны, якая магла б пахваліцца дасягненнем такіх роўных поспехаў па ўсіх напрамках МУР. Часткова гэта стала магчымым дзякуючы фарміраванню сістэмы індыкатараў, паколькі калі нешта нельга вымераць, то немагчыма гэтым кіраваць, гэта немагчыма ўдасканальваць. Стварэнне ў Беларусі платформы нацыянальных індыкатараў з'яўляецца ключавым фактарам дасягнутага поспеху", - сказаў на заканчэнне Закары Тэйлар

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Будаўніцтва жылля ў Беларусі У студзені-красавіку 2018 года арганізацыямі ўсіх форм уласнасці пабудавана 12,9 тыс. кватэр. Уведзена ў эксплуатацыю 1 147,5 тыс. кв.м агульнай плошчы жылля.