Мабільная версія
ДЗЯРЖОРГАНЫ
Апошнія навіны
Усе навіны
Мар'яна Шчоткіна

Неабходна скаардынаваць намаганні для развіцця жаночага прадпрымальніцтва ў Беларусі

Меркаванні 07.09.2017 | 16:19
Мар'яна Шчоткіна Мар'яна Шчоткіна Намеснік старшыні Савета Рэспублікі

У Беларусі неабходна скаардынаваць намаганні для развіцця жаночага прадпрымальніцтва. Такое меркаванне выказала на першай нацыянальнай бізнес-канферэнцыі для жанчын-прадпрымальнікаў "Тэрыторыя бізнесу: жаночы погляд" нацыянальны каардынатар па дасягненні Мэт устойлівага развіцця, намеснік старшыні Савета Рэспублікі, старшыня ГА "Беларускі саюз жанчын" Мар'яна Шчоткіна, перадае карэспандэнт БЕЛТА.

Звяртаючыся да больш як 200 удзельніц канферэнцыі, Мар'яна Шчоткіна адзначыла, што прадпрымальніцтва - гэта тая ніша, якая прадастаўляе жанчынам выдатную магчымасць для самарэалізацыі. "Вельмі важна падтрымліваць жанчын спачатку пры адкрыцці сваёй справы. Жаночае прадпрымальніцтва павінна развівацца ў Беларусі стратэгічна. Для гэтага трэба скаардынаваць, аб'яднаць намаганні дзяржавы, бізнесу, саміх жанчын для дасягнення іх поўнай самарэалізацыі. Гэта абсалютна рэальная задача. Прапаную ўносіць прапановы па змяненні заканадаўства, дзе патрэбны зрухі. Трэба сабраць, апрацаваць і абмеркаваць канкрэтныя прапановы", - сказала яна.

Мар'яна Шчоткіна прывяла прыклад адной з еўрапейскіх краін, дзе была рэалізавана праграма па прадастаўленні жанчынам дыферэнцыраваных крэдытаў у залежнасці ад сацыяльнай адказнасці праекта. "Было б здорава гэту практыку паспрабаваць прымяніць у Беларусі", - адзначыла яна.

Згодна з данымі даклада аб чалавечым развіцці 2013 года, Беларусь уваходзіць у лік 15 краін свету, дзе індэкс чалавечага развіцця жанчын роўны або пераўзыходзіць аналагічны паказчык сярод мужчын. Па індэксе мацярынства краіна займае 25-е месца. Разрыў у заработнай плаце паміж жанчынамі і мужчынамі ў Беларусі складае 23-24 працэнты, некалькі гадоў таму гэты паказчык быў вышэйшы - 27-28 працэнтаў. "Асноўная прычына разрыву - занятасць жанчын у бюджэтнай сферы і сферы паслуг. Сучасны рынак працы мае патрэбу ў дасведчаных, крэатыўных менеджарах. У Беларусі ёсць адукаваныя жанчыны, якія валодаюць патрэбнымі якасцямі, але некаторыя з іх пакуль не запатрабаваны", - адзначыла Мар'яна Шчоткіна.

Бізнес-канферэнцыя праходзіць па праграме "Жанчыны ў бізнесе", якая рэалізуецца ў краінах "Усходняга партнёрства" для падтрымкі ўключанасці жанчын у бізнес. Яна ўключае секцыйныя пасяджэнні па аспектах: лідарства, менеджмент, выкарыстанне найноўшых тэхналогій і інавацый для дасягнення поспеху ў сучасным асяроддзі.

Праграма "Жанчыны ў бізнесе" ў краінах "Усходняга партнёрства" фінансуецца ЕБРР, Еўрапейскім саюзам у рамках ініцыятывы EU4Business, урадам Швецыі і Фондам падтрымкі краін з пераходнай эканомікай на ранняй стадыі развіцця.

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як мяняліся стаўкі па крэдытах для фізічных асоб З-за зніжэння кошту крэдытаў вырасла крэдытная актыўнасць фізічных асоб. На 1 лістапада 2017 года запазычанасць па крэдытах фізасоб склалася на ўзроўні Br8,5 млрд і вырасла з пачатку года на 18,7%.