Мабільная версія
ДЗЯРЖОРГАНЫ
Апошнія навіны
Усе навіны
Алег Скугарэўскі

Магчымасці аказання псіхіятрычнай меддапамогі ў амбулаторных умовах трэба пашырыць

Меркаванні 15.03.2018 | 10:37
Алег Скугарэўскі Алег Скугарэўскі Загадчык кафедры псіхіятрыі і медыцынскай псіхалогіі Беларускага дзяржаўнага медуніверсітэта, доктар медыцынскіх навук, прафесар, старшыня праўлення Беларускай псіхіятрычнай асацыяцыі

Магчымасці аказання псіхіятрычнай меддапамогі ў амбулаторных умовах трэба пашырыць. Такім меркаваннем падзяліўся загадчык кафедры псіхіятрыі і медыцынскай псіхалогіі Беларускага дзяржаўнага медуніверсітэта, доктар медыцынскіх навук, прафесар, старшыня праўлення Беларускай псіхіятрычнай асацыяцыі Алег Скугарэўскі ў інтэрв'ю газеце "7 дней", паведамляе БЕЛТА.

Паводле слоў Алега Скугарэўскага, наспела неабходнасць перавесці сістэму аказання дапамогі пацыентам з псіхічнымі расстройствамі пераважна ў амбулаторныя ўмовы. Пры гэтым абавязкова трэба захаваць неабходны аб'ём стацыянараў. "Лячэнне ў стацыянарах вельмі дарагое: на аднаго пацыента дзяржава траціць у сярэднім амаль Br100 у дзень. Калі перанакіраваць гэтыя сродкі на амбулаторную службу, можна будзе лячыць чалавека дома, але пры гэтым ён не страціць кантакты з навакольным светам і будзе адчуваць сябе больш камфортна. Падкрэслю, што пераход ад таго, што ёсць, да таго, што патрэбна, павінен быць гарманічным", - адзначыў загадчык кафедры.

Прадаўжаючы тэму змяненняў, якія неабходны айчыннай сістэме псіхіятрычнай дапамогі, Алег Скугарэўскі звярнуў увагу на неабходнасць інвестыцый у прафілактыку псіхічных расстройстваў. Паводле яго слоў, гэта не толькі гуманна, але і выгадна дзяржаве, што пацвярджае велізарная колькасць даследаванняў. Больш таго, трэба фарміраваць станоўчы імідж псіхіятрыі ў грамадстве, вучыцца спачуваць псіхічнахворым людзям.

У Мінску 16-17 сакавіка адбудзецца Першы кангрэс маладых псіхіятраў Усходняй Еўропы пад назвай "Псіхіятрыя, якая аб'ядноўвае сэрцы". Праграма ўключае абмен уяўленнямі аб дыягностыцы, лячэнні і прафілактыцы псіхічных і паводзінскіх расстройстваў. Будуць абмяркоўвацца вострыя дыскусійныя пытанні і найноўшыя распрацоўкі ў галіне.

Мерапрыемства пройдзе пад эгідай Сусветнай псіхіятрычнай асацыяцыі - гэта адна з самых масавых у свеце міжнародных медыцынскіх арганізацый, якая аб'ядноўвае больш за 200 тыс. псіхіятраў са 120 краін. Яе асноўныя задачы - пашырэнне ініцыятыў і ідэй па клопаце аб псіхічным здароўі грамадзян усяго свету.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Насельніцтва Беларусі Колькасць насельніцтва Беларусі на 1 красавіка склала 9 484,3 тыс. чалавек і ў параўнанні з пачаткам 2018 года скарацілася на 7,5 тыс. У першым квартале ў рэспубліцы нарадзіліся 23 536 дзяцей, што на 1 640 дзяцейменш, чым за той жа перыяд 2017 года.