Мабільная версія
ДЗЯРЖОРГАНЫ
Апошнія навіны
Усе навіны
Сяргей Лебедзеў

Краіны-ўдзельніцы дагавора аб ЗСГ зацікаўлены ў яго ўдасканаленні ў Садружнасці

Меркаванні 19.09.2017 | 16:06
Сяргей Лебедзеў Сяргей Лебедзеў Старшыня Выканаўчага камітэта - выканаўчы сакратар СНД

Краіны - удзельніцы дагавора аб зоне свабоднага гандлю (ЗСГ) зацікаўлены ў яго ўдасканаленні ў СНД. Такое меркаванне выказаў 19 верасня журналістам старшыня Выканаўчага камітэта - выканаўчы сакратар СНД Сяргей Лебедзеў перад пачаткам пасяджэння Савета пастаянных паўнамоцных прадстаўнікоў дзяржаў - удзельніц СНД пры статутных і іншых органах Садружнасці, перадае карэспандэнт БЕЛТА.

Сяргей Лебедзеў звярнуў увагу, што сярод іншага на пасяджэнні плануецца абмеркаваць ход рэалізацыі ў 2016-2017 годах палажэнняў дагавора аб ЗСГ. "Гэта важны дакумент, прыняты кіраўнікамі ўрадаў у 2011 годзе", - удакладніў ён.

"Самае галоўнае, што я хацеў бы адзначыць, усе дзяржавы - удзельніцы дагавора (а іх дзевяць) зацікаўлены ў яго рэалізацыі, у яго ўдасканаленні, і гэта работа будзе прадоўжана", - запэўніў Сяргей Лебедзеў.

Паводле слоў старшыні Выканкама, дакумент у цэлым працуе, але не вельмі хуткімі тэмпамі яго краіны-ўдзельніцы рухаюцца па рэалізацыі палажэнняў дагавора. "Асноўныя палажэнні выконваюцца, хоць перыядычна ўзнікаюць некаторыя цяжкасці - у перамяшчэнні тавараў, у гандлёвых адносінах, якія звязаны з ахоўнымі мерамі шэрага дзяржаў, часам выкліканымі аб'ектыўнымі прычынамі", - канстатаваў Сяргей Лебедзеў. Пры гэтым ён запэўніў, што органы Садружнасці нацэлены на хуткае і эфектыўнае вырашэнне ўзнікаючых праблем з улікам інтарэсаў усіх дзяржаў - удзельніц дагавора аб ЗСГ.

Падпісаны 18 кастрычніка 2011 года дагавор грунтуецца на прынцыпах і пагадненнях СГА і накіраваны на забеспячэнне свабоднага гандлю паміж яго ўдзельнікамі. У 2016-2017 гадах у ходзе рэалізацыі дагавора прыняты дакументы, якія вызначаюць правілы і працэдуры рэгулявання дзяржаўных закупак, памер узнагароджвання членаў і старшыні камісіі экспертаў і кампенсуемых ім расходаў.

Як адзначае прэс-служба Выканкама СНД, у адпаведнасці з палажэннямі дакумента назіраецца адмена шэрагам дзяржаў абмежавальных тарыфных квот і пошлін на імпарт некаторых тавараў, скарачэнне колькасці выпадкаў прымянення спецыяльных ахоўных, антыдэмпінгавых і кампенсацыйных мер ва ўзаемным гандлі, зніжэнне памераў ставак вывазных мытных пошлін на некаторыя віды тавараў, прыняцце мер па захаванні прынцыпу нацыянальнага рэжыму і спрашчэнні працэдуры плацяжоў ва ўзаемным гандлі.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка валютнага рынку Абарот валютнага рынку Беларусі ў студзені-верасні 2017 года: усяго - $45 млрд 996,1 млн, на пазабіржавым валютным рынку - $30 млрд 206,2 млн, на БВФБ - $6 млрд 898,0 млн, на наяўным валютным рынку - $8 млрд 891,9 млн.