Бяспека атамнай электрастанцыі ў многім залежыць ад падрыхтоўкі персаналу. Такое меркаванне выказаў журналістам кіраўнік групы па ўзаемадзеянні з дзяржаўнымі органамі і арганізацыямі ДП "Беларуская АЭС" Мікалай Груша перад круглым сталом "60 гадоў МАГАТЭ: атамная энергетыка як фактар устойлівага развіцця" ў Вене, перадае карэспандэнт БЕЛТА.
"Бяспека будучай АЭС залежыць не толькі ад праекта, па якім яна будуецца. Важны момант - падрыхтоўка персаналу, паколькі атамная станцыя - гэта аб'ект, да якога трэба ставіцца вельмі сур'ёзна. Высокую кваліфікацыю павінны мець і будаўніча-мантажныя арганізацыі, і ў Беларусі гэта выконваецца", - адзначыў Мікалай Груша.
Ён нагадаў, што ў Беларусі прынята дзяржаўная праграма падрыхтоўкі кадраў для атамнай энергетыкі на 2008-2020 гады. Падрыхтаваныя па праграме спецыялісты працуюць ужо на ДП "Беларуская АЭС", у Дзяржатамнаглядзе, ДНУ "Аб'яднаны інстытут энергетычных і ядзерных даследаванняў - Сосны".
Не менш важна, лічыць Мікалай Груша, каб абсталяванне для станцыі выраблялася пад кантролем заказчыка, генеральнага падрадчыка і рэгулюючага органа (Дзяржатамнагляду), які павінен праверыць якасць абсталявання яшчэ на стадыі яго вытворчасці заводам-вытворцам.