Мабільная версія
ДЗЯРЖОРГАНЫ
Апошнія навіны
Усе навіны
Андрэй Белякоў

Беларускае грамадства аб'ядноўваецца для развіцця краіны

Меркаванні 18.04.2017 | 19:45
Андрэй Белякоў Андрэй Белякоў Першы сакратар Цэнтральнага камітэта ГА "БРСМ"

Беларускае грамадства аб'ядноўваецца для развіцця краіны. Такое меркаванне выказаў 18 красавіка журналістам першы сакратар ЦК БРСМ Андрэй Белякоў, перадае карэспандэнт БЕЛТА.

У Храме-помніку ў гонар Усіх Святых у Мінску адбыўся маладзёжны міжканфесійны фестываль-выстава "Велікодны куліч". Адным з яго цэнтральных мерапрыемстваў стаў адкрыты дыялог на тэму "Царква і моладзь: разуменне або моўны бар'ер". У ім прынялі ўдзел лідары рэлігійных канфесій, дэпутаты, прадстаўнікі грамадскіх арганізацый. "Міжканфесійны дыялог, які з'яўляецца неад'емнай часткай фестывалю, дае магчымасць абмеркаваць самыя розныя праблемы, у тым ліку выпрацаваць пэўныя, магчыма сумесныя, рашэнні, - адзначыў Андрэй Белякоў. - Гэта сведчанне таго, што сёння мы ўсе аб'ядноўваемся, каб развіваць, ствараць, будаваць нашу Беларусь".

Першы сакратар ЦК БРСМ нагадаў, што ў гэтым жа храме ў 2015 годзе адбылося ўрачыстае мерапрыемства "Малітва за Беларусь". Яно дапамагло жыхарам краіны яшчэ раз звярнуцца да вечных каштоўнасцей. Беларусы, у тым ліку і падрастаючае пакаленне, гатовы аказваць дабрачынную дапамогу, ім уласцівы такія якасці, як спагадлівасць і міласэрнасць.

Фестываль-выстава "Велікодны куліч" у Беларусі праводзіцца 5-ы раз, а ў бягучым годзе - упершыню на міжканфесійным узроўні. Гэты і іншыя такія праекты БРСМ прыносяць свой плён. Андрэй Белякоў падкрэсліў важнасць таго, што ў такой высакароднай справе, як фарміраванне духоўна-маральных каштоўнасцей, выхаванне моладзі, узаемадзейнічаюць розныя рэлігійныя канфесіі і грамадская арганізацыя. "Гэта аб'яднанне агульных намаганняў дае добрыя вынікі, - сказаў ён. - Тысячы хлопцаў і дзяўчат па ўсёй краіне добраўпарадкоўваюць помнікі, храмы, аднаўляюць духоўную спадчыну".

У Белай зале Усіхсвяцкага храма абласныя і Мінская гарадская арганізацыі БРСМ размясцілі выставу лепшых аўтарскіх велікодных кампазіцый, маляванак, кулічоў, творчых фотаработ, малюнкаў дзяцей і моладзі з усёй Беларусі. Тут жа адбылася прэзентацыя экспазіцый і конкурсных работ, конкурс на лепшы куліч і дэгустацыі. У імправізаванай майстэрні для мінчан і гасцей беларускай сталіцы майстры рукадзелля з усіх рэгіёнаў Беларусі правялі індывідуальныя майстар-класы па стварэнні велікодных кампазіцый, вырабаў дэкаратыўна-прыкладнога мастацтва. Акрамя таго, прадстаўнікі валанцёрскага руху абласцей і Мінска, духавенства і дэпутацкага корпуса высадзілі недалёка ад храма 8 дрэў і ўпрыгожылі іх святочнымі маляванкамі, вырабленымі моладдзю.

Святочныя мерапрыемствы "Велікоднага куліча", прысвечаныя Светламу Хрыстоваму Уваскрэсенню, прайшлі з удзелам Мітрапаліта Мінскага і Заслаўскага Паўла, Патрыяршага Экзарха ўсяе Беларусі, біскупа Юрыя Касабуцкага, вікарнага біскупа Мінска-Магілёўскай архідыяцэзіі, першага сакратара ЦК БРСМ Андрэя Белякова, парламентарыяў, а таксама валанцёраў БРСМ "Добрае Сэрца" з усіх рэгіёнаў Беларусі.

Завяршыла фестываль-выставу цырымонія ўручэння падзяк Беларускай праваслаўнай царквы і Каталіцкай царквы ў Беларусі за асаблівы ўклад у духоўна-маральнае выхаванне падрастаючага пакалення. Самыя актыўныя ўдзельнікі валанцёрскага руху БРСМ "Добрае Сэрца" былі адзначаны імяннымі падзякамі Мітрапаліта Паўла і Мітрапаліта Мінска-Магілёўскага архібіскупа Тадэвуша Кандрусевіча.

Галоўная мэта фестывалю-выставы - кансалідацыя намаганняў па захаванні сапраўдных хрысціянскіх духоўна-маральных каштоўнасцей, папулярызацыя традыцый хрысціянскай міласэрнасці і дабрачыннасці, духоўна-маральнай асветы. Арганізатарамі "Велікоднага куліча" выступаюць БРСМ, епархіяльныя ўпраўленні Беларускай праваслаўнай царквы і Рымска-каталіцкага касцёла ў Беларусі пры падтрымцы Апарату Упаўнаважанага па справах рэлігій і нацыянальнасцей пры Савеце Міністраў, Нацыянальнага прэс-цэнтра.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусы аб сямейных ролях Інстытутам сацыялогіі НАН Беларусі ў чэрвені праведзены рэспубліканскі маніторынг грамадскага меркавання, у якім прынялі ўдзел 2 094 рэспандэнты. Даследаванне паказала, што ў жыхароў краіны прэваліруюць традыцыйныя погляды на сямейныя ролі.