Мабільная версія
ДЗЯРЖОРГАНЫ
Апошнія навіны
Усе навіны
Віктар Гумінскі

Акцыя "Нашы дзеці" дае дзецям і дарослым магчымасць адчуць сябе шчаслівымі

Меркаванні 22.12.2017 | 15:58
Віктар Гумінскі Віктар Гумінскі Першы намеснік старшыні Выканкама - выканаўчага сакратара СНД

Першы намеснік старшыні Выканаўчага камітэта - выканаўчага сакратара СНД Віктар Гумінскі ў рамках рэспубліканскай дабрачыннай акцыі "Нашы дзеці" павіншаваў з надыходзячымі святамі падапечных Беларускага дзіцячага хоспіса і ўручыў ім падарункі, перадае карэспандэнт БЕЛТА.

Выканкам Садружнасці традыцыйна прымае актыўны ўдзел у акцыі "Нашы дзеці". Паводле слоў Віктара Гумінскага, бягучы год з'яўляецца асаблівым. "У Садружнасці Незалежных Дзяржаў 2017 год быў аб'яўлены Годам сям'і. У выканкаме працуюць прадстаўнікі ўсіх дзяржаў Садружнасці, яны заўсёды разам з беларусамі актыўна ўдзельнічаюць у акцыі "Нашы дзеці", у жыцці Беларускага дзіцячага хоспіса. Мы падтрымлівалі яго яшчэ на стадыі будаўніцтва. Сёння сваімі падарункамі мы хочам унесці ў жыцці невылечна хворых дзяцей і іх сем'яў часцінку навагодняга чараўніцтва, якая зможа сагрэць іх і падарыць надзею", - сказаў ён.

Віктар Гумінскі падкрэсліў, што акцыя "Нашы дзеці" дае магчымасць адчуць сябе шчаслівымі і дзецям, і дарослым. У час візіту кожны падапечны ўстановы атрымаў у падарунак мяккую цацку, кіраўніцтву хоспіса першы намеснік старшыні ўручыў грашовы сертыфікат.

Дзяцей, іх бацькоў і калектыў установы з надыходзячымі святамі павіншавала таксама старшыня папячыцельскага савета Беларускага дзіцячага хоспіса Вольга Кабякова. "Нашы мамы вельмі самаадданыя жанчыны. Яны прысвячаюць хворым дзецям усё сваё жыццё. Мне хацелася, каб у іх заставалася надзея ў душы, каб яны паспявалі за сваёй бясконцай цяжкай працай бачыць навакольны свет, маглі паглядзець у акно і ўбачыць сонца, удзяліць крыху ўвагі сабе. У нас цяпер нараджаецца шмат другіх дзяцей у такіх сем'ях, яны нараджаюцца здаровымі, гэта вельмі радуе", - адзначыла яна.

Навагодняя дабрачынная акцыя "Нашы дзеці" стартавала ў Беларусі 11 снежня і прадоўжыцца па 10 студзеня. Дабрачынны марафон праходзіць пад патранатам Прэзідэнта Беларусі. У час акцыі кіраўнікі рэспубліканскіх органаў дзяржкіравання, мясцовых выканаўчых і распарадчых органаў, прадпрыемстваў і арганізацый наведваюць дзіцячыя інтэрнатныя ўстановы, апякунскія і прыёмныя сем'і, дзіцячыя бальніцы, аказваюць ім дапамогу ў вырашэнні існуючых праблем, уручаюць дзецям падарункі.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Вынікі "Тыдня лесу - 2018" "Тыдзень лесу - 2018" быў прымеркаваны да Года малой радзімы і прысвечаны аднаўленню лясоў, што пацярпелі ад масавага распаўсюджвання насякомых-шкоднікаў у 2017 годзе.