Сцяг Пятніца, 29 сакавіка 2024
Усе навіны
Усе навіны
Меркаванні
29 ліпеня 2016, 09:15
Аляксандр Рар

АБСЕ трэба без палітыкі і націску працаваць з Беларуссю над паляпшэннем выбарчых працэсаў

Аляксандр Рар
Палітолаг

АБСЕ трэба без палітыкі і націску працаваць з Беларуссю над паляпшэннем выбарчых працэсаў. Такое меркаванне карэспандэнту БЕЛТА выказаў нямецкі палітолаг-міжнароднік Аляксандр Рар.

Палітолаг адзначыў, што Беларусі могуць быць карысны рэкамендацыі АБСЕ, паколькі арганізацыя мае значны экспертны патэнцыял, з ёй звязаны сотні няўрадавых, навуковых арганізацый. "АБСЕ стараецца выцягнуць самае карыснае з вопыту апошніх дзесяцігоддзяў і ўдасканаліць агульнаеўрапейскую дэмакратыю. Няхай яны сапраўды шліфуюць заканадаўства і ўмацоўваюць дэмакратычныя інстытуты. Але гэта павінна адбывацца на тэхнічным узроўні, а не на палітычным, гэта значыць без націску", - перакананы палітолаг.

"Беларусь можа сумленна і адкрыта паставіць перад АБСЕ пытанне аб тых пунктах, якія яна для сябе не можа прыняць, - падкрэсліў Аляксандр Рар. - Гэта нармальны дыялог без палітыкі, добрасуседскі і добразычлівы. Адны прапановы могуць прымацца, іншыя - не. Галоўнае - супрацоўнічаць". Палітолаг лічыць, што, развіваючы супрацоўніцтва з АБСЕ ў частцы ўдасканалення выбарчых працэсаў, не трэба разглядаць яе рэкамендацыі і саму арганізацыю "як чыста палітычную, якая мае на мэце геапалітычныя амбіцыі".

У сваю чаргу АБСЕ, на думку эксперта, трэба змяніць існуючы раней палітычны дух, калі ўсходнееўрапейскім краінам адводзілася месца сярод вучняў. Тым больш цяпер, калі перад арганізацыяй стаяць такія важныя задачы, як урэгуляванне міграцыйнага крызісу.

Па выніках прэзідэнцкіх выбараў 2015 года місія БДІПЧ АБСЕ падрыхтавала для Беларусі рэкамендацыі па выбарчым працэсе. Частка з іх ужо ўлічана і ўкараняецца ў час бягучай парламенцкай кампаніі.

Топ-навіны
Свежыя навіны Беларусі