"Тыдзень лесу - 2018" быў прымеркаваны да Года малой радзімы і прысвечаны аднаўленню лясоў, што пацярпелі ад масавага распаўсюджвання насякомых-шкоднікаў у 2017 годзе.
За сем дзён акцыі, з 14 па 21 красавіка, высаджана 25 693 399 дрэў.
Больш як 83 тыс. чалавек прынялі ўдзел у лесааднаўленні і навядзенні парадку.
У сярэднім на аднаго ўдзельніка акцыі прыпала больш за 300 пасаджаных дрэў.
Агульная плошча стварэння лясных культур склала 6774,9 га, што супастаўна з памерамі Наваполацка.
Асноўнымі лесаўтваральнымі пародамі сталі хвоя і бяроза.
Акрамя пасадкі лесу грамадзяне ўдзельнічалі ў прыбіранні смецця і добраўпарадкаванні месцаў адпачынку. Так, да вясенне-летняга сезона быў падрыхтаваны 221 аб'ект.
Крыніца: Міністэрства лясной гаспадаркі.