Канцэрн "Белнафтахім" - адзін з буйнейшых прамысловых комплексаў Беларусі. Аб'ядноўвае прадпрыемствы і арганізацыі па здабычы, перапрацоўцы і транспарціроўцы нафты, нафтапрадуктазабеспячэнні, хіміі і нафтахіміі, шэраг навуковых, праектна-канструктарскіх, будаўнічых, рамонтных і пусканаладачных арганізацый, а таксама шырокую тавараправодную сетку на замежных рынках. Вырабляе больш за 500 відаў нафтахімічнай і хімічнай прадукцыі.
Вынікі фінансава-гаспадарчай дзейнасці ў I квартале:
Экспарт тавараў вырас на 46% да студзеня-сакавіка 2017 года.
Экспарт паслуг павялічыўся на 16,1%.
Паказчык па энергазберажэнні - мінус 4,5%.
Прамых замежных інвестыцый прыцягнута амаль $31,3 млн.
Выкарыстана арганізацыямі канцэрна Br357 млн інвестыцый у асноўны капітал (130,9% да I квартала 2017 года).
Здабыта 413 тыс. т нафты (100,7%).
Аб'ём перапрацоўкі нафты - 4,448 млн т (110,6%).
Рост вытворчасці прамысловай прадукцыі ў фактычных цэнах – на 42,3%.
Індэкс прамысловай вытворчасці ў супастаўных цэнах у цэлым па канцэрне склаў 110,1%.
Запасы гатовай прадукцыі на 1 красавіка 2018 года склалі 11,8% сярэднямесячнага аб'ёму вытворчасці.
У стадыі будаўніцтва ў I квартале знаходзіліся 159 аб'ектаў, у тым ліку завершана будаўніцтва 48 аб'ектаў.
Рэалізуюцца значныя інвестыцыйныя праекты ААТ "Магілёўхімвалакно", ААТ "Белшына", ААТ "Гродна Азот", ААТ "СветлагорскХімвалакно".
Крыніца: канцэрн "Белнафтахім".