Свабодныя эканамічныя зоны (СЭЗ) створаны з мэтай стымулявання вытворчасцей, заснаваных на новых і перадавых тэхналогіях, павелічэння колькасці рабочых месцаў і аб'ёму экспарту.
У СЭЗ Беларусі зарэгістравана 409 арганізацый*, у якіх працуюць больш як 121 тыс. чалавек (3,5% ад сярэдняспісачнай колькасці работнікаў па рэспубліцы).
У Беларусі функцыянуюць шэсць СЭЗ*:
СЭЗ "Брэст" (1996) - 75 рэзідэнтаў, 21 260 работнікаў**,
СЭЗ "Гомель-Ратон" (1998) - 75 рэзідэнтаў, 26 717 работнікаў,
СЭЗ "Мінск" (1998) - 117 рэзідэнтаў, 22 404 работнікі,
СЭЗ "Віцебск" (1999) - 38 рэзідэнтаў, 10 662 работнікі,
СЭЗ "Магілёў" (2002) - 36 рэзідэнтаў, 23 316 работнікаў,
СЭЗ "Гроднаінвест" (2002) - 68 рэзідэнтаў, 17 019 работнікаў.
Асноўныя віды дзейнасці рэзідэнтаў СЭЗ:
апрацоўчая прамысловасць,
гандаль,
дзейнасць у сферы аперацый з нерухомай маёмасцю,
транспартная дзейнасць,
прафесійная, навуковая і тэхнічная дзейнасць.
Доля рэзідэнтаў СЭЗ у асноўных макраэканамічных паказчыках Беларусі ў студзені-сакавіку 2018 года:
12,3% аб'ёму прамысловай вытворчасці,
8% інвестыцый у асноўны капітал,
14,9% экспарту тавараў.
* Прадстаўлены даныя на 1 красавіка 2018 года.
** Сярэдняспісачная колькасць.
Крыніца: Нацыянальны статыстычны камітэт Беларусі.