Савет Міністраў зацвердзіў Стратэгію развіцця малога і сярэдняга прадпрымальніцтва (МСП) "Беларусь - краіна паспяховага прадпрымальніцтва" на перыяд да 2030 года.
Дакумент накіраваны на паляпшэнне структуры эканомікі, павышэнне яе канкурэнтаздольнасці, забеспячэнне занятасці і павелічэнне даходаў насельніцтва.
Рэалізацыя стратэгіі плануецца ў два этапы:
пераходны этап - 2018-2020 гады (удасканаленне інстытуцыянальнай базы і інфраструктуры);
асноўны этап - 2021-2030 гады (стварэнне і функцыянаванне канкурэнтаздольнага і адаптыўнага прадпрымальніцкага сектара нацыянальнай эканомікі).
Галіновая структура арганізацый МСП:
27% - сфера вытворчасці,
73% - сфера паслуг.
Пераважныя віды дзейнасці (па колькасці арганізацый):
аптовы і рознічны гандаль,
рамонт аўтамабіляў і матацыклаў,
апрацоўчая прамысловасць,
транспартная дзейнасць,
складзіраванне,
паштовая і кур'ерская дзейнасць.
У выніку рэалізацыі стратэгіі долю суб'ектаў МСП у агульным аб'ёме валавой дабаўленай вартасці плануецца давесці да 2030 года да 50%.
Крыніца: пастанова Савета Міністраў ад 17 кастрычніка 2018 года №743.
