У агульнай колькасці насельніцтва Беларусі ўдзельная вага мужчын застаецца нязменнай - 46,6%. На пачатак 2018 года колькасць мужчын у рэспубліцы склала 4422 тыс. чалавек.
Тры чвэрці мужчынскага насельніцтва рэспублікі - гараджане, кожны пяты мужчына жыве ў Мінску.
Узровень занятасці мужчын у працаздольным узросце высокі - 80,4%.
Сярэдні ўзрост занятых мужчын складае 40,2 года. Кожны чацвёрты мужчына, заняты ў эканоміцы краіны, ва ўзросце 30-39 гадоў.
Пераважна мужчынскімі з'яўляюцца такія віды дзейнасці, як будаўніцтва, транспартная дзейнасць, складзіраванне, паштовая і кур'ерская дзейнасць, сельская гаспадарка, прамысловасць, інфармацыя і сувязь. Ні адна са сфер дзейнасці не абыходзіцца без мужчынскага ўдзелу.
У 2017 годзе ўзялі шлюб 66,2 тыс. мужчын. Ствараюць сем'і мужчыны пераважна ва ўзросце 20-29 гадоў. Пры гэтым упершыню стварылі сем'і 47 тыс. мужчын.
Кожны трэці мужчына, які заключыў шлюб, знаходзіўся ва ўзросце 25-29 гадоў, кожны чацвёрты - ва ўзросце 20-24 гадоў.
Сярэдні ўзрост заключэння першага шлюбу мужчынамі ў 2017 годзе склаў 27,9 года, паўторнага - 41,2 года.
Крыніца: Белстат.
