У выпадку незаконнай здабычы дзікай жывёлы браканьер, акрамя штрафу, кампенсуе шкоду, нанесеную прыродзе. Такі падыход прымяняецца як у Беларусі, так і ў краінах Балтыі. Таксама можна вылучыць некалькі асноўных парушэнняў, агульных для названых краін.
Паляванне, што ажыццяўляецца асобай, якая не мае спецыяльнага права:
Беларусь - штраф 201-502 еўра*,
Літва - 868-1737 еўра,
Латвія - 40-700 еўра,
Эстонія - да 1200 еўра.
Паляванне ў забароненых месцах, забаронены час, забароненымі прыладамі і спосабамі:
Беларусь - 201-502 еўра,
Літва - 579-1737 еўра,
Латвія - 40-700 еўра,
Эстонія - да 800 еўра.
Парушэнне патрабаванняў правіл бяспекі палявання:
Беларусь - да 401 еўра,
Літва - 28-86 еўра,
Латвія - 30-350 еўра,
Эстонія - да 800 еўра.
Самыя вялікія таксы кампенсавання шкоды для браканьераў прадугледжаны ў Літве. За забойства дзікага аленя або лася ў гэтай краіне давядзецца заплаціць больш як 5 тыс. еўра. У Беларусі такса кампенсавання шкоды за незаконную здабычу аленя або лася складае крыху больш як 3 тыс. еўра.
*Тут і далей штрафы пералічаны па курсе НБРБ на 4 верасня 2017 года.
Крыніца: Дзяржаўная інспекцыя аховы жывёльнага і расліннага свету пры Прэзідэнце Беларусі.
