У Беларусі ўстаноўлены новыя памеры мінімальных спажывецкіх бюджэтаў (МСБ) для розных сацыяльна-дэмаграфічных груп.
З 1 лістапада 2017 года МСБ у разліку на месяц складзе:
- на аднаго члена сям'і з чатырох чалавек - Br325,13*;
- на аднаго члена маладой сям'і з трох чалавек - Br351,09;
- працаздольнага насельніцтва - Br413,33;
- пенсіянераў - Br324,63;
- студэнтаў - Br311,54;
- дзяцей ва ўзросце да 3 гадоў - Br264,01;
- дзяцей ва ўзросце ад 3 да 6 гадоў - Br340;
- дзяцей ва ўзросце ад 6 да 18 гадоў - Br355,94.
Павелічэнне мінімальных спажывецкіх бюджэтаў абумоўлена павышэннем цэн на нехарчовыя тавары і тарыфаў на паслугі ў спажывецкай карзіне. Зніжэнне цэн на плодаагароднінную прадукцыю, абумоўленае перыядам яе масавай нарыхтоўкі, запаволіла рост МСБ.
*На 1% перавышае нарматыў, які дзейнічае з 1 жніўня па 31 кастрычніка бягучага года.
Крыніца: пастанова Міністэрства працы і сацыяльнай абароны ад 23 кастрычніка 2017 года №61.
