Навагодняя дабрачынная акцыя "Нашы дзеці" пройдзе ў Беларусі з 9 снежня па 8 студзеня.
Яе ўдзельнікі - кіраўнікі органаў дзяржкіравання, мясцовых выканаўчых і распарадчых органаў, прадстаўнікі грамадскіх аб'яднанняў і арганізацый, працоўных калектываў - наведаюць:
дзіцячыя інтэрнатныя ўстановы,
дамы сямейнага тыпу,
бальніцы,
цэнтры развіваючага навучання і рэабілітацыі,
сем'і, якія выхоўваюць дзяцей-інвалідаў,
апякунскія і прыёмныя сем'і.
Удзельнікі акцыі павіншуюць дзяцей з Новым годам і Ражджаством, уручаць падарункі, дапамогуць вырашыць існуючыя праблемы.
Цэнтральнай падзеяй акцыі стане навагодняе свята ў Палацы Рэспублікі (запланавана на 23 снежня). На свята будуць запрошаны больш за 2 тыс. дзяцей з усіх рэгіёнаў краіны, навучэнцы Рыжскай беларускай школы і Беларускай сярэдняй школы імя Францыска Скарыны ў Вільнюсе:
дзеці-сіроты і дзеці, якія засталіся без апекі бацькоў;
выхаванцы дзіцячых інтэрнатных устаноў;
дзеці-інваліды;
дзеці са шматдзетных і малазабяспечаных сем'яў, сем'яў бежанцаў;
навучэнцы - пераможцы алімпіяд, творчых конкурсаў і спартыўных спаборніцтваў;
навучэнцы, якія маюць поспехі ў грамадскай рабоце, і іншыя.
Дабрачынныя навагоднія святы для дзяцей пройдуць у дні школьных канікулаў ва ўсіх гарадах і раёнах Беларусі.
Крыніца: пастанова Савета Міністраў Беларусі №770 ад 27 верасня 2016 года.
