Золатавалютныя рэзервы Беларусі за жнівень 2017 года выраслі на $328,8 млн (4,9%) да $6,9 млрд* у эквіваленце на 1 верасня 2017 года:
($ млн)
1.01.2017 года - 4 927,2,
1.02.2017 - 4 985,0,
1.03.2017 - 5 022,3,
1.04.2017 - 5 016,1,
1.05.2017 - 5 108,7
1.06.2017 - 5 238,9,
1.07.2017 - 6 561,0,
1.08.2017 - 6 664,8,
1.09.2017 - 6 993,6.
Павелічэнню міжнародных рэзервовых актываў у жніўні садзейнічалі паступленні сродкаў у замежнай валюце ў бюджэт, уключаючы экспартныя пошліны на нафту і нафтапрадукты, павелічэнне аб'ёму сродкаў у замежнай валюце на карэспандэнцкіх рахунках банкаў у Нацыянальным банку, павелічэнне кошту манетарнага золата, паступленне сродкаў ад продажу Нацыянальным банкам аблігацый, намініраваных у замежнай валюце, а таксама купля Нацыянальным банкам замежнай валюты на таргах ААТ "Беларуская валютна-фондавая біржа".
Асноўнымі напрамкамі грашова-крэдытнай палітыкі на 2017 год прадугледжаны рост золатавалютных рэзерваў у вызначэнні ССРД МВФ не менш як на $500 млн.
* Папярэднія даныя.
Крыніца: упраўленне інфармацыі і грамадскіх сувязей Нацыянальнага банка.