Беларусь у ліку 40 краін Еўропы і іншых кантынентаў удзельнічае ў міжнароднай акцыі - Дзень без аўтамабіля*. Мэта - прыцягнуць увагу насельніцтва да вырашэння экалагічнай праблемы па зніжэнні ўзроўню забруджвання атмасфернага паветра.
У сувязі з правядзеннем акцыі ў Мінску 22 верасня з 6.00 да 24.00 на ўчастку па вул. Леніна ад пр. Незалежнасці да вул. Кірава закрываецца рух у абодвух напрамках. Аб'езд будзе арганізаваны па вул. Энгельса на ўчастку ад вул. Кірава да вул. К.Маркса.
Па вул. Леніна, якая на некаторы час стане пешаходнай, плануецца правядзенне розных мерапрыемстваў і акцый:
16.00 - урачыстае адкрыццё;
16.00 - 18.00 - дзіцячая забаўляльная праграма;
18.00 - 21.00 - канцэрт беларускіх груп NAVI, :B:N:, "Радыёхваля", паказ пластычнага тэатра "ІнЖэст", экстрым-выступленні веласіпедыстаў і ролераў, Street Workout, конкурсы для ўсіх жадаючых;
20.00 - 21.00 - шоу-конкурс святлівых веласіпедаў;
21.00 - фінальны велапрабег для ўсіх жадаючых ад вул. Леніна да Нацыянальнай бібліятэкі**.
* 22 верасня аўтаўладальнікам у шэрагу гарадоў краіны дазволілі ездзіць на аўтобусе, тралейбусе, трамваі або метро бясплатна пры наяўнасці вадзіцельскага пасведчання і тэхпашпарта.
** Для ўсіх удзельнікаў велапрабегу абавязкова наяўнасць ліхтарыкаў.
Крыніца: Мінгарвыканкам.