З 4 ліпеня 2017 года Беларусь пераходзіць на міжнародную структуру нумара рахунку (IBAN) і банкаўскага ідэнтыфікацыйнага кода (BIC) у рамках паэтапнага ўкаранення міжнароднага стандарту ISO 20022.
Структура IBAN для Беларусі:
BY13 NBRB 3600 9000 0000 2Z00 AB00
Структура BIC для Беларусі:
NBRB BY 2X - Нацыянальны банк (для прамога ўдзельніка);
BAPB BY 21 401 - філіял ААТ "Белаграпрамбанк" (для ўскоснага ўдзельніка).
Фізічнай асобе IBAN неабходны пры:
запаўненні плацежнага даручэння на перавод грашовых сродкаў з аднаго разліковага рахунку на іншы*;
атрыманні грашовых сродкаў па банкаўскім пераводзе з-за мяжы, у тым ліку з краін Еўрасаюза;
ажыццяўленні працоўнай дзейнасці па дагаворы падраду (нумар рахунку неабходна паведаміць наймальніку).
Юрыдычныя асобы і індывідуальныя прадпрымальнікі абавязаны прадаставіць IBAN і BIC сваім контрагентам як у Беларусі, так і за яе межамі.
Укараненне IBAN і BIC павысіць надзейнасць і паскорыць правядзенне банкаўскіх аперацый, выключыць магчымасць неадназначнай ідэнтыфікацыі ўдзельніка разлікаў.
* У выпадку калі разлікі ажыццяўляюцца праз банкаўскую плацежную картку, альбо яе рэквізіты, якія застаюцца нязменнымі, нумар рахунку ведаць не абавязкова, у тым ліку новы.
Крыніца: НБ РБ.
