Перад кожным распальваннем газавага воданагравальніка або абагравальнага катла праверце, што:
цыркуляцыя цепланосьбіта забяспечана;
ціск па манометры, устаноўленым на катле, адпавядае норме;
каналы дымаходаў свабодныя.
Забараняецца:
дапускаць да газаспажывальнага абсталявання дзяцей да 14 гадоў, недзеяздольных асоб і асоб, якія знаходзяцца ў стане ап'янення;
карыстацца няспраўным газаспажывальным абсталяваннем;
пакідаць адкрытымі вентылі балонаў, устаноўленых у памяшканні, пасля завяршэння карыстання;
пакідаць без нагляду працуючае газаспажывальнае абсталяванне, акрамя разлічанага на бесперапынную работу;
самавольна падключаць і адключаць газаспажывальнае абсталяванне;
сушыць рэчы над полымем гарэлак газавай пліты;
прымяняць агонь для выяўлення ўцечкі газу;
захоўваць балоны са звадкаваным вуглевадародным газам без падключэння да індывідуальнай балоннай устаноўкі.
Крыніца: Міністэрства энергетыкі.
