У Беларусі з 1 жніўня вырастуць дапамогі*, што выплачваюць бацькам, якія знаходзяцца ў водпуску па доглядзе дзіцяці ва ўзросце да трох гадоў.
Памеры дапамог з 1 жніўня:
на першага дзіцяці - Br278,88 (рост на Br17,5);
на другога і наступных дзяцей - Br318,72 (на Br20);
на дзіця-інваліда - Br358,56 (на Br22,5).
Новы памер дапамог будзе дзейнічаць да 1 лютага 2018 года.
Нацыянальным заканадаўствам прадугледжана разгалінаваная сістэма дапамог сем'ям у сувязі з нараджэннем і выхаваннем дзяцей: назначаецца 11 відаў дапамог.
*Дапамогі пераглядаюць двойчы ў год: з 1 лютага і з 1 жніўня. Іх памер залежыць ад сярэднямесячнай зарплаты за II квартал 2017 года (паводле даных Белстата - Br796,8).
Крыніца: Міністэрства працы і сацыяльнай абароны Беларусі.
