У Беларусі з 1 лістапада павялічацца дапамогі*, што выплачваюць бацькам, якія знаходзяцца ў водпуску па доглядзе дзіцяці ва ўзросце да трох гадоў.
Памеры дапамог:
на першае дзіця сёння - Br252,39, з 1 лістапада - Br260,26;
на другое і наступных дзяцей - Br288,44, з 1 лістапада - Br297,44;
на дзіця-інваліда - Br324,50, з 1 лістапада - Br334,62.
Новы памер дапамог будзе дзейнічаць да 1 лютага 2017 года.
Нацыянальным заканадаўствам прадугледжана разгалінаваная сістэма дапамог сем'ям у сувязі з нараджэннем і выхаваннем дзяцей - усяго назначаецца 11 відаў дапамог.
* Гэтыя дапамогі пераглядаюцца адзін раз у квартал. Іх памер залежыць ад сярэднямесячнай зарплаты за папярэднія тры месяцы. У ліпені-верасні 2016 года сярэднямесячная зарплата ў Беларусі павялічылася да Br743,6. Гэты паказчык большы, чым у другім квартале.
Крыніца: Міністэрства працы і сацыяльнай абароны Беларусі.