Міністэрства абароны пашырыла спіс месц, дзе забаронена запускаць авіямадэлі. Пад авіямадэллю маецца на ўвазе лятальны апарат без чалавека на борце, кіраванне палётам якога магчыма толькі пры ўмове візуальнага кантакту з ім, а таксама некіруемы свабодналятаючы апарат.
Дзе нельга запускаць дрон?
Мінск - 14 зон, у тым ліку:
1. цэнтр горада;
2. дыпгарадок;
3. пр. Пераможцаў;
4. пр. Незалежнасці;
5. паўночная частка МКАД;
6. "Мінск-Арэна";
7. "Чыжоўка-Арэна";
8. Палац Незалежнасці;
9. аэрадром Ліпкі;
10. раён гасцініцы "Пекін";
11. раён аэрапорта Мінск-1.
Мінская вобласць - 22 зоны, у тым ліку:
1. Нацыянальны аэрапорт Мінск;
2. Мачулішчы;
3. Астрашыцкі гарадок;
4. участак трасы М3 і Р80;
5. участак трасы М2.
Брэсцкая вобласць - 7 зон, у тым ліку:
1. аэрапорт Брэст.
Віцебская вобласць - 9 зон, у тым ліку:
1. аэрапорт Віцебск;
2. заходняя і паўночная частка Паставаў.
Гомельская вобласць - 12 зон, у тым ліку:
1. аэрапорт Гомель;
2. паўднёвая частка Рэчыцы.
Гродзенская вобласць - 13 зон, у тым ліку:
1. заходняя частка Гродна, уключаючы тэрыторыю ААТ "Гродна Азот";
2. усходняя частка Ліды, а таксама тэрыторыя на захад ад горада;
3. БелАЭС.
Магілёўская вобласць - 3 зоны, у тым ліку:
1. аэрапорт Магілёў;
2. раён вёсак Брожка, Туголіца, Цялуша на поўдзень ад Бабруйска.
У забароненых зонах выкарыстанне авіямадэлей не дапускаецца без узгаднення з дзяржорганамі.
Выкарыстанне авіямадэлей таксама абмежавана ўздоўж граніц з Украінай, Польшчай, Літвой і Латвіяй.
Ва ўсіх астатніх зонах авіямадэлі можна выкарыстоўваць на вышыні да 100 м ад узроўню зямлі або вады.
Крыніца: пастанова Міністэрства абароны ад 27 верасня 2017 года нумар 19.
