13 чэрвеня на гідравузле "Трышын" у Брэсце ваеннымі былі адпрацаваны сумесныя антытэрарыстычныя дзеянні ў рамках міжнароднага вучэння "Славянскае брацтва". Усяго больш за 800 ваеннаслужачых Беларусі, Расіі і Сербіі прымаюць удзел у сумесным тактычным вучэнні "Славянскае брацтва - 2017". У ім прымаюць удзел узмоцнены асобны дэсантна-штурмавы батальён 38-й асобнай гвардзейскай дэсантна-штурмавой брыгады сіл спецыяльных аперацый Узброеных Сіл Беларусі, парашутна-дэсантны батальён 76-й дэсантна-штурмавой дывізіі Паветрана-дэсантных войскаў Расіі і парашутная рота Спецыяльнай брыгады УС Сербіі. Разам увесь кантынгент складае шматнацыянальную батальённую тактычную групу.
Фота Кацярыны Гараевай.
