Урачысты марш падраздзяленняў Міністэрства ўнутраных спраў, прысвечаны 100-годдзю беларускай міліцыі, прайшоў на Кастрычніцкай плошчы каля Палаца Рэспублікі ў Мінску.
У шэсці прынялі ўдзел больш за 1,2 тыс. чалавек і 46 адзінак аўтамабільнай і мотатэхнікі. У парадным страі перад мінчанамі і гасцямі сталіцы прайшлі 17 пешых парадных разлікаў. У іх прадстаўлены самыя розныя падраздзяленні Міністэрства ўнутраных спраў - ад супрацоўнікаў ДАІ да салдат роты ганаровай варты і міліцыянераў-кінолагаў.
Акрамя таго, у святочным шэсці ўдзельнічалі 12 парадных разлікаў спецыяльнай тэхнікі - ад рарытэтных патрульных машын да сучасных БТРаў і пазадарожнікаў "Волат".
Фота Максім Гучака, Аксаны Манчук, Андрэя Пакумейкі
