19 і 20 жніўня на пляцоўцы каля Палаца спорту прайшоў кірмаш "Пара ў школу!". Удзел у пашыраным продажы тавараў да школьнага сезона прынялі ўнівермагі, гандлёвыя арганізацыі, прадпрыемствы-вытворцы канцэрна "Беллегпрам" і інш. Яны прапанавалі пакупнікам шырокі асартымент тавараў да школы: стыльнае адзенне і абутак, пісьмовыя і канцылярскія тавары, сумкі і ранцы, развіваючыя гульні, школьную атрыбутыку і інш.
Наведвальнікаў кірмашу парадавалі значныя скідкі на многія тавары, а таксама розныя культурна-забаўляльныя мерапрыемствы: дэманстрацыя мадэлей адзення дзелавога стылю для школьнікаў, прыём заказаў на падгонку адзення, набытага на кірмашы, забавы ад аніматараў, акцыі з уручэннем падарункаў.
Фота Генадзя Жынкова.