Дабрачынная акцыя "Партфель першакласніка", мэта якой дапамагчы малазабяспечаным сем'ям, што выхоўваюць дзяцей-інвалідаў, няпоўным і шматдзетным сем'ям сабраць дзяцей-першакласнікаў у школу, пройдзе па 26 жніўня ў буйных гандлёвых пунктах сталіцы (ГУМе, ЦУМе, універмагах "Беларусь" і "Кірмаш", у гандлёвым доме "На Нямізе").
Прыняць удзел у ёй можа кожны жадаючы: для гэтага ў адным з магазінаў трэба купіць школьныя прылады, прызначаныя для будучых першаклашак. Валанцёры перададуць падарункі ў "Беларускую асацыяцыю шматдзетных бацькоў".
Арганізатарамі акцыі выступаюць камітэт па працы, занятасці і сацабароне Мінгарвыканкама, Мінская гарадская арганізацыя грамадскага аб'яднання "Беларуская асацыяцыя шматдзетных бацькоў" і Мінская гарадская арганізацыя ГА "БРСМ".
Фота Аляксандра Дзідзевіча.