Святочныя мерапрыемствы, прысвечаныя Дню дэсантнікаў і сіл спецыяльных аперацый "Рыцары неба", прайшлі 29 ліпеня ў Мінску на пляцоўцы каля Палаца спорту.
У праграме свята былі паказальныя парашутныя скачкі, вальс бронетранспарцёраў, выстаўка ўзораў узбраення, ваеннай і спецыяльнай тэхнікі, а таксама формы адзення.
Госці свята змаглі ўбачыць вучэбны бой на вадзе, штурм будынка, а яшчэ ім паказалі, як праводзяцца заняткі па наземнай адпрацоўцы элементаў скачка на палявым паветрана-дэсантным комплексе, прадэманстравалі прыёмы армейскага рукапашнага бою.
Адбыліся таксама спартыўныя конкурсы.
Фота Раміля Насібуліна.
