У першы дзень педсавета запланавана работа шэрага тэматычных секцый, круглых сталоў. Спецыялісты абмяркуюць шырокае кола пытанняў, у тым ліку сучасныя падыходы да павышэння якасці дашкольнай адукацыі, уклад, які здольна ўнесці прафадукацыя ў інавацыйнае развіццё беларускай эканомікі, асноўныя напрамкі для вышэйшай школы.
Удзельнікі педсавета перад пленарным пасяджэннем 24 жніўня азнаёміліся з выстаўкай эфектыўнага педагагічнага вопыту, творчых дасягненняў педагогаў, вучэбнай і вучэбна-метадычнай літаратуры, узораў новых тэхналогій у сферы адукацыі.
Прэзідэнт Беларусі Аляксандр Лукашэнка прыняў удзел у Рэспубліканскім педагагічным савеце. У фармаце адкрытага мікрафона работнікі ўстаноў адукацыі з усіх абласцей краіны і горада Мінска змаглі падзяліцца меркаваннямі і вопытам па тых ці іншых пытаннях. Мерапрыемства прайшло ў максімальна адкрытым і дыскусійным ключы. На яго запрасілі больш за 800 чалавек, у ліку якіх таксама вышэйшыя службовыя асобы, кіраўнікі органаў дзяржкіравання, мясцовай вертыкалі ўлады, дэпутаты.
fff23