28 мая, Мінск /Кар. БЕЛТА/. Мінскі трактарны завод пышна адсвяткаваў сваё 70-годдзе і правёў трактарнае шэсце на Партызанскім праспекце і бліжэйшых вуліцах.
Людзі прыйшлі паглядзець на асноўныя мадэлі флагмана, якія толькі сышлі з канвеера, і зрабіць некалькі фота дасягненняў сельскагаспадарчага машынабудавання.
Пасля ўрачыстага парада мінчане маглі азнаёміцца з выстаўкай тэхнікі і нават крыху пабыць трактарыстамі, убачыць, як асілкі перацягваюць цяжкія трактары.
Гісторыя Мінскага трактарнага завода пачынаецца з пастановы аб яго стварэнні, выдадзенай 29 мая 1946 года. У той дзень Савет Міністраў СССР аб'явіў аб будаўніцтве завода.
МТЗ з'яўляецца адным з буйнейшых сусветных вытворцаў трактарнай тэхнікі і прапануе звыш ста мадэлей трактароў больш як у двухстах зборачных варыянтах для ўсіх эксплуатацыйных і кліматычных умоў.
Фота Андрэя Пакумейкі,
Раміля Насібуліна