У суботу, 27 мая, удзельнікі міжнароднага байк-фестывалю "Брэст-2017" праехалі па вуліцах горада.
Гэты мотафэст праходзіў ужо 17-ы раз. Яго ўдзельнікі размясціліся недалёка ад абласнога цэнтра, у лагеры "Арляня" ў Жабінкаўскім раёне. У гэтым годзе да брэсцкага фестывалю далучыліся амаль 5 тысяч мотааматараў, таму парад расцягнуўся на некалькі кіламетраў. Затым на пляцоўцы ля Лядовага палаца была арганізавана стаянка, дзе ўсе жадаючыя змаглі паглядзець бліжэй і сфатаграфаваць матацыклы, што спадабаліся.
Арганізатарамі байк-фестывалю з'яўляюцца брэсцкі мотаклуб "Залатое крыло", Брэсцкія абласны і гарадскі выканкамы.
Фота Кацярыны Гараевай.
Самыя цікавыя навіны пра Брэст чытайце ў нашай групе ВКонтакте!