XXVII Міжнародны маладзёжны лагер "Бе-Lа-Русь" праходзіць на Кургане Дружбы на стыку граніц Беларусі, Латвіі і Расіі да 29 ліпеня.
Маладзёжны лагер аб'яднаў больш як 500 маладых людзей - прадстаўнікоў маладзёжных арганізацый краін - заснавальніц праекта, ветэранаў маладзёжнага руху і пачэсных гасцей.
Праграма лагера традыцыйна насычана спартыўнымі мерапрыемствамі: чэмпіянаты па футболе і валейболе, спаборніцтвы па дартсе. Упершыню ўдзельнікам прапануецца здаць нарматывы ГПА, выканаўшы розныя фізічныя практыкаванні. Кожны ўдзельнік будзе адзначаны памятным прызам, лепшыя ў асобных пазіцыях - спецыяльнымі ўзнагародамі. Таксама ў навінку конкурсна-забаўляльная праграма "Б. А. Я. Н." - творчая двухдзённая работа дзвюх зборных інтэрнацыянальных каманд. Запланаваны крэатыўныя прэзентацыі кожнай краіны, а ў час конкурсу бівуакаў адбудзецца іх тэатралізаваны паказ. Акрамя таго, арганізуюць работу творчых майстэрняў. Прадстаўнікі беларускай дэлегацыі падрыхтавалі майстар-класы па вырабе лялькі-абярэга, малюнках хной, бодзіарце і аквагрыме "Родныя ўзоры".
Фота Аляксандра Хітрова