30 чэрвеня на адной з цэнтральных плошчаў Парыжа Пасольства Беларусі ў Францыі правяло акцыю "Заспяваем гімн Беларусі разам". У цэнтры французскай сталіцы сабраліся прадстаўнікі беларускай дыяспары і французы - сябры Беларусі, каб хорам выканаць дзяржаўны гімн Рэспублікі Беларусь на фоне Эйфелевай вежы.
Мерапрыемства адбылося ў музычным суправаджэнні народнага ансамбля музыкі, танца і песні "РЭЙ" Беларускага дзяржаўнага педагагічнага ўніверсітэта імя Максіма Танка. У акцыі таксама прынялі ўдзел амаль 30 французскіх студэнтаў, якія вывучалі тэатральнае мастацтва ў Беларусі.
Фота Аксаны МАНЧУК.