8 верасня, Мінск /Кар. БЕЛТА/. Фестываль навукі праходзіць у Цэнтральным батанічным садзе. Аматарам навукова-папулярных лекцый прапануюць дзве пляцоўкі з тэматычнымі блокамі адукацыйных праектаў "15х4", "TEDxYOUTH", "Масаракш".
У касмічнай зоне, акрамя лекцый, праводзяцца майстар-класы ад Мінскага планетарыя, выстаўка фота і дэманстрацыя стартапа "Ойкумена", які дасць магчымасць адчуць сябе касмічным падарожнікам. Чакаецца, што мерапрыемства наведаюць касманаўты і вучоныя Міжнароднага кангрэса Асацыяцыі ўдзельнікаў касмічных палётаў. Кангрэс пройдзе ў Мінску і збярэ каля 90 касманаўтаў з 17 краін свету.-0-
Фота Аксаны Манчук