Мабільная версія
ДЗЯРЖОРГАНЫ
Апошнія навіны
Усе навіны

Урад Беларусі прыняў план мерапрыемстваў па рэалізацыі дэкрэта нумар 7

Эканоміка 24.01.2018 | 18:41
Фота з архіва
Фота з архіва

24 студзеня, Мінск /Кар. БЕЛТА/. Савет Міністраў Беларусі прыняў план мерапрыемстваў па рэалізацыі палажэнняў дэкрэта нумар 7 "Аб развіцці прадпрымальніцтва", паведамілі карэспандэнту БЕЛТА ў беларускім урадзе.

План мерапрыемстваў прадугледжвае карэкціроўку заканадаўства ў рэгуляванні гандлю, грамадскага харчавання, бытавога абслугоўвання насельніцтва, будаўніцтва, транспартнай і рэкламнай дзейнасці.

Прадугледжана карэкціроўка 40 заканадаўчых актаў, у тым ліку 21 закона і 6 кодэксаў. У прыватнасці, змяненні будуць унесены ў Крымінальны і Падатковы кодэксы, законы "Аб пажарнай бяспецы", "Аб знешняй працоўнай міграцыі", "Аб асновах транспартнай дзейнасці".

У першым квартале 2018 года плануецца ўнесці змяненні ў шырокае кола нарматыўных прававых актаў (у тым ліку ведамасных), прадугледзеўшы ў іх адмену абавязковага выкарыстання суб'ектамі гаспадарання пячацей, аптымізацыю адміністратыўных працэдур у гандлі, грамадскім харчаванні і бытавым абслугоўванні, а таксама аптымізацыю колькасці праводзімых экспертыз і выдаваемых дазволаў.

Абавязковым з'яўляецца патрабаванне адносна разгляду ўсіх падрыхтоўваемых у развіццё дэкрэта нумар 7 дакументаў на грамадска-кансультатыўных (экспертных) саветах па развіцці прадпрымальніцтва пры дзяржаўных органах кіравання.

Прадугледжана шырокая інфармацыйная і растлумачальная работа сярод насельніцтва з правядзеннем выязных сустрэч, семінараў з удзелам спецыялістаў міністэрстваў, прадстаўнікоў бізнес-супольнасцей. На афіцыйных сайтах дзяржорганаў плануецца стварэнне асобных тэматычных рубрык, дзе будуць размяшчацца растлумачэнні адносна рэалізацыі дэкрэта нумар 7, а таксама іншых нарматыўных прававых актаў па лібералізацыі бізнесу.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сярэднестатыстычны беларускі мужчына У агульнай колькасці насельніцтва Беларусі ўдзельная вага мужчын застаецца нязменнай - 46,6%. На пачатак 2018 года колькасць мужчын у рэспубліцы склала 4422 тыс. чалавек.