Сцяг Аўторак, 19 сакавіка 2024
Усе навіны
Усе навіны
Эканоміка
03 красавіка 2019, 18:19

У Беларусі могуць узмацніць парадак будаўніцтва з выкарыстаннем жыллёвых аблігацый

3 красавіка, Мінск /Кар. БЕЛТА/. У Беларусі могуць узмацніць парадак будаўніцтва з выкарыстаннем жыллёвых аблігацый, праінфармавалі ў Міністэрстве архітэктуры і будаўніцтва, адказваючы на пытанні, што паступілі напярэдадні і ў час "Вялікай размовы з Прэзідэнтам", паведамляе БЕЛТА.

Адно з пытанняў, што паступіла, датычылася долевага будаўніцтва двух дамоў у ЖК "Аркадзія" СТАА "Тамбаз" і дзеяння ўказа ад 6 лістапада 2018 года нумар 430 аб завяршэнні будаўніцтва дамоў.

Дабудаваннем жылых дамоў займаецца УКБ Савецкага раёна Мінска. "У адпаведнасці з атрыманай інфармацыяй праектна-каштарысная дакументацыя з экспертызай, праведзенай ва ўстаноўленым парадку, па адным з жылых дамоў (чарга нумар 2) будзе гатова да ліпеня 2019 года, па другім жылым доме (чарга нумар 4) - да верасня 2019 года. Толькі пасля названага тэрміну новы забудоўшчык прапануе грамадзянам - трымальнікам жыллёвых аблігацый заключэнне дагавораў стварэння аб'ектаў долевага будаўніцтва, - паведамілі ў Мінбудархітэктуры. - Гаворачы аб гіпатэтычных затратах, трэба ўлічваць, што грамадзяне атрымалі страхавыя кампенсацыі па сваіх аблігацыях, якія павінны будуць быць накіраваны на дабудаванне жылля".

Што датычыцца ўзмацнення норм, якія вызначаюць парадак будаўніцтва з выкарыстаннем жыллёвых аблігацый, то, паводле інфармацыі Мінбудархітэктуры, Міністэрства фінансаў працуе ў гэтым напрамку.-0-

Падпісвайцеся на нас у
Twitter
Топ-навіны
Свежыя навіны Беларусі