Мабільная версія
ДЗЯРЖОРГАНЫ
Апошнія навіны
Усе навіны

Тавараабарот паміж Беларуссю і Швецыяй за I паўгоддзе павялічыўся амаль на 30 працэнтаў

Эканоміка 10.08.2018 | 13:02

10 жніўня, Мінск /Кар. БЕЛТА/. Тавараабарот паміж Беларуссю і Швецыяй за першае паўгоддзе 2018 года павялічыўся на 28,9 працэнта да $83,8 млн у параўнанні з аналагічным перыядам мінулага года. Такая інфармацыя размешчана на сайце пасольства Беларусі ў Швецыі, паведамляе БЕЛТА.

Пры гэтым тэндэнцыя, адзначаюць у пасольстве, была пазітыўнай для абедзвюх краін: беларускі экспарт вырас на 73,1 працэнта да $24,4 млн, пастаўкі шведскай прадукцыі ў Беларусь павялічыліся на 16,7 працэнта да $59,4 млн.

Найбольшым попытам у шведскіх пакупнікоў карысталіся ўгнаенні, якія пастаўляе Беларуская калійная кампанія; мэбля, драўняныя гранулы, брыкеты і шчэпкі, што вырабляюць шэраг прыватных і дзяржаўных кампаній. Беларускія вытворцы завяршалі выкананне сваіх абавязацельстваў па раней заключаных кантрактах на пастаўку торфу і процігалалёднай солі.

Больш як у тры разы павялічылі аб'ём продажаў беларускія кампаніі, якія займаюцца нарыхтоўкай насення сасны і елкі, якія з'яўляюцца даўнімі традыцыйнымі партнёрамі шведскіх лесаводаў.

Аснову паставак са Швецыі ў Беларусь, як і раней, складае прадукцыя машынабудавання (грузавыя аўтамабілі і седлавыя цягачы, дарожная і будаўнічая тэхніка) і хімічнай прамысловасці (штучныя воскі, палімеры этылену, фарбы і лакі). Найбольшы рост у першым паўгоддзі паказалі пастаўкі газавых турбін, абсталявання для лясной гаспадаркі, а таксама рухавікоў унутранага згарання.

У дыпмісіі падкрэсліваюць, што беларускі і шведскі бакі імкнуцца актыўна садзейнічаць развіццю двухбаковага гандлю.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Шкала колеравых узроўняў небяспекі надвор'я Колеравая індыкацыя для папярэджання насельніцтва аб складаных умовах надвор'я і надзвычайных сітуацыях шырока выкарыстоўваецца ў свеце.