Сцяг Пятніца, 29 сакавіка 2024
Усе навіны
Усе навіны
Эканоміка
24 мая 2019, 18:36

Сумесную кампанію для будаўніцтва чыгуначнага тэрмінала створаць у "Вялікім камені"

24 мая, Мінск /Кар. БЕЛТА/. Будаўніцтва чыгуначнага тэрмінала на тэрыторыі Кітайска-беларускага індустрыяльнага парка "Вялікі камень" абмеркавалі сёння на сустрэчы першы намеснік прэм'ер-міністра Беларусі Аляксандр Турчын і генеральны дырэктар, старшыня праўлення акцыянернага таварыства "Дуйсбургер Хафен" Эрых Штааке. Аб гэтым карэспандэнту БЕЛТА паведамілі ва ўрадзе.

"Цяпер актыўна вядзецца работа па стварэнні сумеснай кампаніі з удзелам кітайскага і беларускага бакоў, а таксама з прыцягненнем еўрапейскіх кампаній. Новае прадпрыемства будзе адказваць за будаўніцтва і эксплуатацыю чыгуначнага тэрмінала", - адзначылі ва ўрадзе.

Плануецца, што пагадненне аб рэалізацыі праекта будзе падпісана ў час форуму па рэгіянальным супрацоўніцтве і развіцці ў рамках ініцыятывы "Пояс і шлях", які пройдзе ў "Вялікім камені" 1-3 ліпеня.

АТ "Дуйсбургер Хафен" (Германія) з'яўляецца кіруючай кампаніяй буйнейшага рачнога порта Еўропы, дзе штогод апрацоўваюць больш за 120 млн т грузаў, што пастаўляюцца марскім, чыгуначным і аўтамабільным транспартам. Дуйспорт - асноўны канечны пункт сухапутнага Шаўковага шляху, у сувязі з чым порт адыгрывае стратэгічную ролю ў канцэпцыі "Пояс і шлях".

У красавіку 2018 года АТ "Дуйсбургер Хафен" увайшло ў склад акцыянераў СЗАТ "Кампанія па развіцці індустрыяльнага парка".-0-

Падпісвайцеся на нас у
Twitter
Топ-навіны
Свежыя навіны Беларусі